ចាប់ខ្លួនយុវជនម្នាក់ ដកហូតគ្រឿងញៀន ៥ថង់ នៅក្រុងបាត់ដំបង
ខេត្តបាត់ដំបង៖ កាលពីយប់ថ្ងៃទី៧ ខែមិថុនា ឆ្នាំ២០២១ កម្លាំងនគរបាលក្រុងបាត់ដំបង បានបង្ក្រាបករណីគ្រឿងញៀន នៅចំណុចក្រុមទី៤២ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ដោយបានឃាត់ខ្លួនជនសង្ស័យម្នាក់។
ជនសង្ស័យខាងលើ ឈ្មោះ លី ដាលី (ហៅ លី) ភេទប្រុស អាយុ៣៣ឆ្នាំ មានទីលំនៅ ភូមិដាំស្ពៃ សង្កាត់ស្លាកែត ក្រុងបាត់ដំបង ខេត្តបាត់ដំបង។ រីឯវត្ថុតាងចាប់បាន រួមមាន៖ ម្សៅក្រាមពណ៌សថ្លាចំនួន ៥ថង់ ទូរស័ព្ទដៃ ១គ្រឿង កាបូបដាក់ប្រាក់១ ជញ្ជីងអេឡិចត្រូនិចសំរាប់ថ្លឹងថ្នាំញៀន ២គ្រឿង និងម៉ូតូ១គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានរៀបចំសំណុំរឿងបញ្ជូនមកការិយាល័យជំនាញចាត់ការតាមនិតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។