បង្ក្រាបគ្រឿងញៀននៅស្រុកសំពៅលូន ឃាត់ខ្លួនមនុស្ស ៣នាក់
ខេត្តបាត់ដំបង៖ កាលពីយប់ ថ្ងៃទី១០ ខែមិថុនា ឆ្នាំ២០២១ ថ្ងៃទី១១ ខែមិថុនា ឆ្នាំ២០២១ កម្លាំងនគរបាលស្រុកសំពៅលូន បានចុះបង្ក្រាបករណីចែកចាយគ្រឿងញៀន នៅចំណុចភូមិអូរស្ងួត ឃុំសន្តិភាពស្រុកសំពៅលូន ខេត្តបាត់ដំបង ដោយឃាត់ខ្លួនជនសង្ស័យចំនួន ៣នាក់។
ជនសង្ស័យខាងលើ ១) ឈ្មោះ ជួន ណារីន ភេទប្រុស អាយុ២២ឆ្នាំ មានទីលំនៅភូមិអូរដារ ឃុំបឹងរាំង ស្រុកកំរៀង ខេត្តបាត់ដំបង។ ២) ឈ្មោះ ស៊ុយ ពិសិទ្ធ ភេទប្រុស អាយុ២២ឆ្នាំ មានទីលំនៅភូមិដូង ឃុំបឹងរាំង ស្រុកកំរៀង ខេត្តបាត់ដំបង។
៣) ឈ្មោះ សែម សុខមាន ភេទប្រុស អាយុ៣៥ឆ្នាំ មានទីលំនៅភូមិដូង ឃុំបឹងរាំង ស្រុកកំរៀង ខេត្តបាត់ដំបង។
ចំណែកវត្ថុតាងចាប់បានរួមមាន៖ ថ្នាំញៀនប្រភេទមេតំហ្វេតាមីន ម៉ាទឹកកកICE ចំនួន ៨ថង់ ទម្ងន់១១៣៨,៩៧ក្រាម, ថ្នាំញៀនប្រភេទមេតំហ្វេតាមីនយ៉ាម៉ាWYចំនួន២៨គ្រាប់ ទម្ងន់២,៤០ក្រាម ទូរស័ព្ទដៃចំនួន ៤គ្រឿង កាំភ្លើងខ្យល់ចំនួន ១ដើម ជញ្ជីងថ្លឹងថ្នាំញៀនចំនួន ១គ្រឿង និងម៉ូតូចំនួន ២គ្រឿង។
បច្ចុប្បន្នជនសង្ស័យ ត្រូវបាននគរបាល បាននឹងកំពុងកសាងសំណុំរឿង ដើម្បីចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។