គ្រោះថ្នាក់រន្ធត់! រថយន្ត៣គ្រឿង បុកយ៉ាងពេញទំហឹង ស្លាប់ម្នាក់ របួសធ្ងន់៣នាក់ នៅស្រុកទឹកឈូ
ខេត្តកំពត៖ រថយន្តធន់ធំចំនួន ២គ្រឿង និងរថយន្តទំនើប570 ១គ្រឿង បានបុកគ្នាយ៉ាងពេញ កាលពីវេលាម៉ោងជាង ៤រសៀល ថ្ងៃទី១១ ខែមិថុនា ឆ្នាំ២០២១ម្សិលមិញ តាមបណ្តោយផ្លូវជាតិលេខ៣ នៅចំនុចក្បែរចូលខ្លោងទ្វាវត្តសិរីធានី ក្នុងភូមិថ្មី ឃុំថ្មី ស្រុកទឹកឈូ ខេត្តកំពត។
សាក្សីដែលបានឃើញហេតុការណ៍នោះ បញ្ជាក់ថា មុនពេលកើតហេតុគេឃើញរថយន្ត570 ១គ្រឿង បានវ៉ារថយន្តសណ្តោងខ្លាពាំ ពីលិចទៅកើត តែវ៉ាមិនផុត ក៏បុកគ្នាពេញទំហឹង ជាមួយរថយន្តសណ្តោង១គ្រឿងទៀត បើកបរពីកើតទៅលិច បញ្ច្រាស់ទិសគ្នា រីឯភាគីខាងរថយន្តសណ្តោង បើកបរពីកើតទៅលិច ចំណែករថយន្ត 570 បើកបរដោយជនជាតិចិន រត់គេចខ្លួនបាត់ស្រមោលអស់។ ករណីនេះ បានបណ្តាលឲ្យមានមនុស្សស្លាប់ម្នាក់ និងរបួសចំនួន ៣នាក់។
ក្រោយពេលកើតហេតុ នគរបាលមូលដ្ឋាន បានចុះពិនិត្យ និងបានធ្វើកំណត់ហេតុដើម្បីដោះស្រាយតាមនិតិវិធី។ ជនរងគ្រោះត្រូវបានបញ្ជូនទៅសងគ្រោះនៅមន្ទីរពេទ្យផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។