នគរបាលចរាចរណ៍ត្រូវដាក់ពង្រាយគ្រប់ដងផ្លូវសំខាន់ៗទាំងអស់ក្នុងរាជធានីភ្នំពេញ នាថ្ងៃប្រឡងបាក់ឌុប
នៅថ្ងៃប្រឡងបាក់ឌុប ពោលគឺថ្ងៃទី២០ និង២១ ខែសីហា ដើមសប្តាហ៍ក្រោយនេះ កម្លាំងនគរបាលចរាចរណ៍ត្រូវគេដាក់ពង្រាយគ្រប់ផ្លូវសំខាន់ៗទាំងអស់ ពិសេសផ្លូវចេញចូលទៅមណ្ឌលប្រឡងទាំង២៥ក្នុងរាជធានីភ្នំពេញ។
លោក នួន ផារ័ត្ន អភិបាលរងរាជធានីភ្នំពេញថ្លែងថា អាជ្ញាធររាជធានីភ្នំពេញ បានត្រៀមកម្លាំងសមត្ថកិច្ចគ្រប់គ្រាន់ ដើម្បីការពារសន្តិសុខ សណ្តាប់ធ្នាប់ និងសុវត្ថិភាព ជូនដល់បេក្ខជនប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី២០ និង២១ខែសីហា ដើម សប្តាហ៍ក្រោយនេះ។ លោកបន្តថានៅថ្ងៃទី២០ និងថ្ងៃទី២១ រដ្ឋបាលរាជធានីភ្នំពេញ នឹងដាក់កម្លាំងនគរបាលចរាចរណ៍ គ្រប់ដងផ្លូវសំខាន់ៗទាំងអស់ ជាពិសេសផ្លូវចេញចូលទៅ មណ្ឌលប្រឡងទាំង២៥ នៅរាជធានីភ្នំពេញ ចាប់ពីម៉ោង៥ព្រឹកតទៅ ដោយសារបេក្ខជនប្រឡងនៅរាជធានីភ្នំពេញទាំងអស់មានចំនួនជាង២ម៉ឺននាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។