សង្ស័យស្រវឹងស្រា បើកម៉ូតូបុកដាច់ខ្សែសញ្ញាកាយផ្លូវ ដួលបាក់-កស្លាប់ភ្លាមៗ
ខេត្តបន្ទាយមានជ័យ៖ បុរសម្នាក់ បានស្លាប់ភ្លាមៗ នៅនឹងកន្លែង សង្ស័យស្រវឹងស្រា បានបើកម៉ូតូបុកដាច់ខ្សែដាក់ជាសញ្ញាសំគាល់កន្លែងកាយផ្លូវដាក់លូ កាលពីនៅវេលាម៉ោង៧និង៣០នាទីយប់ ថ្ងៃទី២១ ខែមិថុនា ឆ្នាំ២០២១ នៅចំណុចផ្លូវលំខាងជើងភូមិយាយាអត ឃុំគុត្តសត ស្រុក អូរជ្រៅ ខេត្តបន្ទាយមានជ័យ។
នគរបាលមូលដ្ឋាន បានឲ្យដឹងថា ជនរងគ្រោះ ឈ្មោះ អ៊ុន ពៅ ភេទប្រុស អាយុ៣២ឆ្នាំ នៅភូមិសូរិយាថ្មី ឃុំកូប ស្រុកអូរជ្រៅ ខេត្តបន្ទាយមានជ័យ បើកបរម៉ូតូម៉ាក់ទ្រីម ពណ៌ខ្មៅពាក់ ផ្លាកលេខ ប.មានជ័យ.1I.6413។
ប្រភព បញ្ជាក់ថា មុនពេលកើតហេតុជនរងគ្រោះ សង្ស័យស្រវឹងស្រា ក៏បានបើកម៉ូតូម្នាក់ឯង ក្នុងទិសដៅពីទិសខាងត្បូងទៅទិសខាងជើង លុះដល់កន្លែងកើតហេតុ មិនបើកផ្លូវវាង បែរជាបើកត្រង់ទៅបុកដាច់ខ្សែដាក់ជាសញ្ញាកន្លែងកាយផ្លូវដាក់លូធ្លាក់បាក់.ក ស្លាប់តែម្តង។
ក្រោយពេលកើតហេតុ សមត្ថកិច្ចបានពិនិត្យ និងបានប្រគល់សពជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។