រន្ទះបាញ់ ស្លាប់មនុស្ស ២នាក់ ខណៈមានភ្លៀង និងផ្គរ នៅស្រុកស្អាង
ខេត្តកណ្ដាល៖ យ៉ាងហោចណាសខ្មែរឥស្លាមចំនួន ២នាក់ ត្រូវរន្ទះបាញ់ស្លាប់ភ្លាមៗ កាលពីរសៀល ថ្ងៃទី២២ ខែមិថុនា ឆ្នាំ២០២១ នៅចំណុចទំនប់សង្កែសោម ស្ថិតក្នុងភូមិពោធិតាប៉ាង ឃុំស្វាយប្រទាល ស្រុកស្អាង ខេត្តកណ្តាល ពេលចេញទៅទាក់សត្វ ខណៈមេឃកំពុងភ្លៀង។
មន្ត្រីនគរបាលស្រុកស្អាង បានឲ្យដឹងថា ជនរងគ្រោះឈ្មោះ ម៉ាត់ នសា ភេទប្រុស អាយុ២៨ឆ្នាំ ជនជាតិឥស្លាម មុខរបរនេសាទ និងឈ្មោះ ស៊េន ម៉ាអ៊ែល ភេទប្រុស អាយុ១៦ឆ្នាំ ជនជាតិឥស្លាម មុខរបរនេសាទ, ទាំង២នាក់ នៅភូមិបារ៉ែនក្រោម ឃុំស្វាយប្រទាល ស្រុកស្អាង ខេត្តកណ្តាល។
តាមការសន្និដ្ឋានពីសមត្ថកិច្ច បញ្ជាក់ថា ជនរងគ្រោះស្លាប់ ដោយសារករណីគ្រោះធម្មជាតិ (រន្ទះបាញ់) ប្រាកដមែន និងបានប្រគល់សពជូនក្រុមគ្រួសារដើម្បីយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។