ថៃ បន្តមានអ្នកស្លាប់ជិត១០០នាក់ទៀត ដោយសារកូវីដ១៩ ខណៈករណីឆ្លងថ្មីមានជាង ៩ពាន់នាក់
ថៃ៖ ក្រសួងសុខាភិបាលថៃ នាព្រឹកថ្ងៃទី១៥ កក្កដា ២០២១នេះ បានប្រកាសថា ២៤ម៉ោងចុងក្រោយមកនេះ ថៃមានមនុស្សស្លាប់ដោយសារតែជំងឺកូវីដ១៩ ចំនួន៩៨នាក់បន្ថែមទៀត ជាអត្រាស្លាប់ប្រចាំថ្ងៃដ៏ច្រើន ពុំធ្លាប់មាន។ ក្រៅពីនេះ ថៃក៏ប្រកាសពីការឆ្លងថ្មី បន្ថែមទៀតចំនួនជាង៩ពាន់នាក់ផងដែរ។
ចំនួនស្លាប់ជិត១០០នាក់នេះបន្ថែមទៀត ធ្វើឲ្យប្រទេសថៃមានមនុស្សស្លាប់ព្រោះជំងឺកូវីដ១៩ កើនដល់៣០៣២នាក់ហើយ។
រីឯអ្នកឆ្លងសរុបវិញ កើនដល់៣៧២២១៥នាក់ ជាសះស្បើយ ២៦៦១២៧នាក់ហើយ។ ចំនួនស្លាប់ប្រចាំថ្ងៃ៩៨នាក់នេះ គឺជាចំនួនស្លាប់ច្រើនបំផុតពុំធ្លាប់មាន ខណៈដែលធ្លាប់មានស្លាប់៩១នាក់ដែរ កាលពីថ្ងៃទី១០ កក្កដា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។