រថយន្ត២គ្រឿង ព្រលះគ្នាផ្លាតបុកម៉ូតូ១គ្រឿងទៀត ស្លាប់ម្នាក់ភ្លាមៗ នៅស្រុកឧដុង្គ
ខេត្តកំពង់ស្ពឺ៖ កាលពីយប់ថ្ងៃទី១៥ ខែកក្កដា ឆ្នាំ២០២១ មានករណីគ្រោះថ្នាក់ចរាចរណ៍រវាងរថយន្ត ០១គ្រឿងម៉ាក KAMAZ ប៉ះគ្នាជាមួយរថយន្ត NISSAN ០១គ្រឿង រួចផ្លាតទៅបុកជាមួយម៉ូតូ ១គ្រឿងទៀត ម៉ាក HONDA DREAM C 125 (២០១៨) បណ្តាលឲ្យស្លាប់អ្នកបើកបរម៉ូតូ នៅលើផ្លូវជាតិលេខ៥១ ក្នុងភូមិអំពិលរូង ឃុំព្រះស្រែ ស្រុកឧដុង្គ ខេត្តកំពង់ស្ពឺ។
មន្ត្រីនគរបាលស្រុកឧត្តុង្គ បានឲ្យដឹងថា ជនរងគ្រោះឈ្មោះ ស៊ីន ចន ភេទប្រុស អាយុ៥៦ឆ្នាំ រស់នៅភូមិអំពិលរូង ឃុំព្រះស្រែ ស្រុកឧដុង្គ ខេត្តកំពង់ស្ពឺ។
ករណីនេះ សមត្ថកិច្ច បានចុះពិនិត្យ និងបានដឹកវត្ថុតាងទៅរក្សាទុកនៅប៉ុស្តិ៍នគរបាលរដ្ឋបាលវាំងចាស់ ដើម្បីចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។