ថៃ ទទួលជំនួយវ៉ាក់សាំងកូវីដ លើកដំបូងពីសហរដ្ឋអាមេរិក
នាព្រឹកថ្ងៃទី៣០ កក្កដា ២០២១នេះ ប្រទេសថៃទទួលបានវ៉ាក់សាំងបង្ការជំងឺកូវីដ១៩ ជាជំនួយរបស់អាមេរិកឈុតដំបូង។
ថៃទទួលបានប្រភេទ Pfizer ១.៥លានដូស ប៉ុន្តែគេដឹងថា អាមេរិកនឹងបញ្ជូនទៅ១លានដូសទៀត នាពេលខាងមុខនេះ។
ប្រធាននាយកដ្ឋានគ្រប់គ្រងជំងឺឆ្លងថៃ លោក Opas Karnkawinpong បាននិយាយថា វ៉ាក់សាំងទាំងនេះត្រូវដឹកទៅទុកភ្លាមៗ ដោយបញ្ជាក់ថា វ៉ាក់សាំងត្រូវទុកក្នុងកន្លែងមានសីតុណ្ហភាពក្រោម៧០អង្សាសេ ហើយគ្រូពេទ្យត្រូវបង្រៀនពីរបៀបលាយវ៉ាក់សាំងជាមុនសិន។
នាព្រឹកថ្ងៃទី៣០ កក្កដា នេះដែរ ថៃបានប្រកាសពីការឆ្លងជំងឺកូវីដ១៩ ចំនួន ១៧៣៤៥នាក់ទៀត និងស្លាប់មនុស្សព្រោះកូវីដ១៩ ចំនួន១១៧នាក់ទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។