វៀតណាម បន្តរកឃើញអ្នកឆ្លងកូវីដថ្មីជាង ៣ពាន់ករណីទៀត នៅព្រឹកថ្ងៃចន្ទនេះ
វៀតណាម៖ ក្រសួងសុខាភិបាលវៀតណាម នៅព្រឹកថ្ងៃចន្ទនេះ បានរាយការណ៍ពីការរកឃើញអ្នកឆ្លងជំងឺកូវីដ១៩ថ្មីៗចំនួន ៣ពាន់ ១៩៨ករណីបន្ថែមទៀត នៅ២០ទីតាំង។ ក្នុងចំណោមករណីឆ្លងថ្មីៗទាំងអស់ មាន ១ពាន់ ៩៩៧ករណី នៅទីក្រុងហូជីមិញ។
ជាមួយនឹងចំនួនករណីឆ្លងថ្មីៗនេះ វៀតណាម បានកត់ត្រាពីការរកឃើញអ្នកជំងឺកូវីដ១៩ចំនួន ១៥ម៉ឺន ៣ពាន់ ៦២១ករណី នៅក្នុង៦២ខេត្ត-ក្រុង ក្នុងចំណោមខេត្ត-ក្រុងសរុប៦៣របស់ប្រទេសនេះ ចាប់តាំងពីវីរុសកូវីដ១៩រលកថ្មីវាយប្រហារវៀតណាមកាលពី៣ខែមុន។ ទីក្រុងហូជីមិញ មានអ្នកឆ្លងជំងឺកូវីដ១៩ខ្ពស់ជាងគេបំផុតរហូតដល់៩ម៉ឺន៦ពាន់២៩២ករណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។