ឃាត់ខ្លួនមនុស្ស ៣នាក់ ករណីជួញដូរគ្រឿងញៀន នៅស្រុកវ៉ារិន
ខេត្តសៀមរាប៖ កាលពីយប់ ថ្ងៃទី០៥ ខែសីហា ឆ្នាំ២០២១ កម្លាំងនគរបាលស្រុកវ៉ារិន បានចុះបង្ក្រាបករណីជួញដូរគ្រឿងញៀន នៅចំណុចភូមិគោកភ្នំ និងភូមិនេល ឃុំវ៉ារិន ស្រុកវ៉ារិន ខេត្តសៀមរាប ដោយបានឃាត់ខ្លួនជនសង្ស័យចំនួន ៣នាក់។
ជនសង្ស័យ មានឈ្មោះ ពេ ពេញ ភេទប្រុស, ឈ្មោះ ហែម ចំរើន ភេទប្រុស និងឈ្មោះ វ៉ាន់ តូឡូ ភេទប្រុស។ ក្នុងប្រតិបត្តិការនោះ កម្លាំងជំនាញ បានដកហូតវត្ថុតាង ម្សៅមេតំហ្វេតាមីនចំនួន ៧កញ្ចប់ ស្មើនឹងទម្ងន់ ១៥.៤៩ក្រាម(ទម្ងន់សុទ្ទ) និងទូរស័ព្ទដៃចំនួន ៣គ្រឿងផងដែរ។
បច្ចុប្បន្នជនសង្ស័យ ត្រូវបានសមត្ថកិច្ចឃាត់ខ្លួន និងកំពុងកសាងសំណុំរឿង ដើម្បីបញ្ជូនទៅសាលាដំបូងខេត្តសៀមរាបអនុវត្តនីតិវិធីបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។