ចាប់ខ្លួនមនុស្ស ៥នាក់ ករណីលួចសម្ភារៈ និងខ្សែភ្លើង ក្នុងរថយន្ត នៅក្រុងព្រះសីហនុ
ខេត្តព្រះសីហនុ៖ កាលពីយប់ ថ្ងៃទី១០ ខែសីហា ឆ្នាំ២០២១ កម្លាំងអធិការដ្ឋាននគរបាលក្រុងព្រះសីហនុ បានឃាត់ខ្លួនជនសង្ស័យចំនួន ៥នាក់ ដែលបានធ្វើសកម្មភាព លួចសម្ភារៈ និងខ្សែភ្លើងក្នុងរថយន្ត ដែលពាក់ពន្ធ័គ្រោះថ្នាក់ចរាចរណ៍ ហើយចតទុកនៅទីតាំងការិយាល័យចរាចរណ៍ នៅចំណុចក្រុមទី២០ ភូមិ៣ សង្កាត់១ ក្រុង-ខេត្តព្រះសីហនុ។
ជនរងគ្រោះឈ្មោះ សោ សុវណ្ណរ៉ា ភេទ ប្រុស អាយុ៤០ឆ្នាំ មុខរបរនគរបាលចរាចរណ៍ ស្នាក់នៅភូមិ៤ សង្កាត់៤ ក្រុង-ខេត្តព្រះសីហនុ។ រីឯជនសង្ស័យចំនួន ៥នាក់ គឺឈ្មោះ វាសនា ភេទប្រុស អាយុ១៨ឆ្នាំ, ឈ្មោះ នាង រ៉ាឌី ភេទប្រុស អាយុ១៨ឆ្នាំ, ឈ្មោះ នាង រ៉ាដំ ភេទប្រុស អាយុ១៥ឆ្នាំ, ឈ្មោះ អូន វ៉ាន់ ភេទប្រុស អាយុ៣៨ឆ្នាំ និងឈ្មោះ ធី ជា ភេទប្រុស អាយុ១៧ឆ្នាំ, ជនសង្ស័យទាំង៥នាក់ ស្នាក់នៅម្តុំរ៉ារថភ្លើង ក្រុមទី៧ ភូមិ៣ សង្កាត់លេខ៣ ក្រុង.ខេត្តព្រះសីហនុ។ ចំណែកសម្ភារៈ និងវត្ថុតាងដកហូតបាន៖ ខ្សែភ្លើងតភ្ជាប់ ក្នុងរថយន្តមួយចំនួន, សោរម៉ាលេត១, ដង្កាប់ចំនួន១, សោរអក្សរT១, សោរចិញ្ជៀនចំនួន២ និងម៉ូតូ២គ្រឿង។
បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដើម្បីសាកសួរនិងចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។