បើកបរម៉ូតូ បុកម៉ូតូសណ្តោងរ៉ឺម៉ក់ ដួលស្លាប់ម្នាក់ និងរបួសម្នាក់ នៅស្រុករលាប្អៀរ
ខេត្តកំពង់ឆ្នាំង៖ យ៉ាងហោចណាស់មនុស្សចំនួន ២នាក់ បានស្លាប់ និងរបួស ក្នុងករណីគ្រោះថ្នាក់ចរាចរណ៍មួយម៉ូតូ និងម៉ូតូ កាលពីថ្ងៃទី១២ ខែសីហា ឆ្នាំ២០២១ លើផ្លូវជាតិលេខ៥ ក្នុងភូមិអូរសណ្តាន់ ឃុំទឹកហូត ស្រុករលាប្អៀរ ខេត្តកំពង់ឆ្នាំង។
នគរបាលស្រុករលាប្អៀរ បានឲ្យដឹងថា មុនពេលកើតហេតុ គេឃើញម៉ូតូ១គ្រឿង ZOOMER-X ពណ៌ត្រួយចេក ពាក់ស្លាកលេខ ភ្នំពេញ១GM-៥៤០៦ ជិះពីជើងទៅត្បូង លុះពេលដល់ចំណុចកើតហេតុ ក៏បុកម៉ូតូសណ្តោងរ៉ឺម៉ក់១គឿង ទិសដៅស្របគ្នា បណ្តាលឲ្យស្លាប់អ្នកបើកបរម៉ូតូ រីឯអ្នករួមដំណើររងរបួសធ្ងន់។ ហេតុការនេះបានកើតឡើង
ជនរគ្រោះឈ្មោះ រ៉ុម សុខភារម្យ ភេទប្រុស អាយុ៣៧ រស់នៅភូមិអូររោង ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង (ស្លាប់) និងរបួសអ្នករួមដំណើរម្នាក់ឈ្មោះ ទឹម សុជាតា ភេទស្រី អាយុ៣១ឆ្នាំ រស់នៅភូមិអូរោង ឃុំជ្រៃបាក់ ស្រុករលាប្អៀរ។
ក្រោយពេលកើតហេតុសមត្ថកិច្ច បានចុះធ្វើការវាស់វែង និងប្រគល់សពជូនក្រុមគ្រួសារយកមកធ្វើបុណ្យតាមប្រពៃណី រីឯនាក់រងរបួសត្រូវបានបញ្ជូនទៅមន្ទីពេទ្យ ចំណែកឯភាគីខាងអ្នកបើកបរម៉ូតូរ៉ឺម៉កបានរត់គេចខ្លួនបាត់ក្រោយពេលកើតហេតុ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។