រន្ទះបាញ់! សម្លាប់បុរសម្នាក់ ខណៈមានភ្លៀងធ្លាក់ខ្លាំង លាយឡំខ្យល់កន្ត្រាក់ នៅស្រុកស្វាយលើ
ខេត្តសៀមរាប៖ កាលពីថ្ងៃទី១២ ខែសីហា ឆ្នាំ២០២១ មានភ្លៀងធ្លាក់ខ្លាំងលាយឡំខ្យល់កន្ត្រាក់ និងរន្ទះបាញ់មនុស្សស្លាប់ម្នាក់ នៅចំណុចត្រពាំងដំបូកខ្ពស់ ស្ថិតក្នុងភូមិត្រពាំងថ្ម ឃុំតាសៀម ស្រុកស្វាយលើ ខេត្តសៀមរាប។
អាជ្ញាធរមូលដ្ឋាន បានឲ្យដឹងថា ជនរងគ្រោះ ឈ្មោះ ពង្ស ស៊ីវុទ្ធី ភេទប្រុស អាយុ៥៤ឆ្នាំ នៅភូមិឃុំកើតហេតុខាងលើ។ កាលពីវេលាម៉ោង១១:០០នាទី ថ្ងៃទី១១ ខែសីហា ឆ្នាំ២០២១ ជនរងគ្រោះ បានទៅចំការនៅខាងក្រោយផ្ទះ ចម្ងាប្រហែល៥០០ម៉ែត្រពីផ្ទះ ចំណែកប្រពន្ធធ្វើការនៅឯផ្ទះ។ លុះដល់ម៉ោង១៥និង៣០នាទី ក៏មានភ្លៀងធ្លាក់មួយមេលាយឡំទៅដោយផ្គររន្ទះ លុះមិនឃើញប្តីត្រឡប់មកវិញ ប្រពន្ធក៏បានអោយកូនស្រីទៅមើលប្ដីនៅឯចំការ ទប់ដឹងថា ប្តីរបស់ខ្លួន បានស្លាប់បាត់ទៅហើយ។
ក្រោយការពិនិត្យរបស់សមត្ថកិច្ចជំនាញ ពុំពិនិត្យឃើញមានស្លាកស្នាមអ្វីគួឲ្យកត់សម្គាល់ថា ពាក់ព័ន្ធនិងករណីបទល្មើសព្រហ្មទណ្ឌឡើយ។ ជនរងគ្រោះពិតជាស្លាប់ដោយសាររន្ទះបាញ់ពិតប្រាកដមែន។ សមត្ថកិច្ច បានប្រគល់សពជនរងគ្រោះជូនក្រុមគ្រួសារយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។