ឃាត់ខ្លួនមនុស្ស ៣នាក់ ដកហូតគ្រឿងញៀន៥កញ្ចប់ នៅក្រុងបាត់ដំបង
ខេត្តបាត់ដំបង៖ កាលពីល្ងាច ថ្ងៃទី១៨ខែ សីហា ឆ្នាំ២០២១ កម្លាំងសមត្ថកិច្ចក្រុងបាត់ដំបង បានឃាត់ខ្លួនជនសង្ស័យចំនួន ៣នាក់ និងដកហូតបានគ្រឿងញៀនចំនួន ៥កញ្ចប់ នៅភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង។
ជនសង្ស័យទាំង ៣នាក់ណោះ មានឈ្មោះ ស៊ឹម ចាន់ធី ហៅលី ភេទស្រី អាយុ៤០ឆ្នាំ, ឈ្មោះ ពិន រ័ត្នធានី (ហៅធំ) ភេទប្រុស អាយុ២៨ឆ្នាំ និងឈ្មោះ ចាន់ សៅ ភេទប្រុស អាយុ២២ឆ្នាំ។ ចំណែកវត្ថុតាងដកហូតបាន ម្សៅក្រាមពណ៌សថ្លា ៥កញ្ចប់ ទូរស័ព្ទដៃ៣គ្រឿង ម៉ូតូ១គ្រឿង ជញ្ជីងសម្រាប់ថ្លឹងថ្នាំញៀន១គ្រឿងនិងសម្ភារៈសម្រាប់ប្រើប្រាស់គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាងនគរបាលក្រុងបាត់ដំបង បានកសាងសំណុំរឿងបញ្ជូនមកការិយាល័យជំនាញ ដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។