ងងុយមួយភាំង! រេចង្កូតរថយន្ត បុកគល់ឈើក្រឡាប់ផ្ទុះឆេះ នៅស្រុកពួក!
ខេត្តសៀមរាប៖ រថយន្ត១គ្រឿង បានក្រឡាប់ផ្ទុះឆេះ ខណៈអ្នកបើកបរបានងងុយមួយភាំង កាលពីថ្ងៃទី២២ ខែសីហា ឆ្នាំ២០២១ម្សិលមិញ នៅលើកំណាត់ផ្លូវជាតិលេខ៦ ចំណុចភូមិទួលរវៀង ឃុំល្វា ស្រុកពួក ខេត្តសៀមរាប។
សមត្ថកិច្ច បានឲ្យដឹងថា មូលហេតុនៃការឆេះនេះ បណ្តាលមកពីអ្នកបើកបរងងុយដេក ទើបបណ្ដាលឱ្យរថយន្ដរេចង្កូតខុសផ្លូវ ហើយបុកគល់ឈើបណ្ដាលឱ្យក្រឡាប់ផ្ទុះឆេះរថយន្តតែម្តង។
ប្រភពបន្តថា ក្នុងប្រតិបត្តិការពន្លត់អគ្គិភ័យនេះ សមត្ថកិច្ចបានប្រើប្រាស់ រថយន្តពន្លត់អគ្គីភ័យរបស់អធិការដ្ឋានស្រុកពួក ទឹកអស់ចំនួន ០១ឡាន ទើបភ្លើងរលត់ទៅវិញនៅវេលាម៉ោង០៦និង១៥នាទី ថ្ងៃខែឆ្នាំដដែល តែមិនមានគ្រោះថ្នាក់ដល់មនុស្សឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។