បុរសម្នាក់ត្រូវរថយន្តកុងទីន័របើកបុកក្នុងទិសដៅបញ្ច្រាស់គ្នាបណ្ដាលឲ្យស្លាប់យ៉ាងអាណោចអធម៌ តែរថយន្តបើករត់បាត់ស្រមោល
បុរសវ័យកណ្ដាលម្នាក់បានស្លាប់ជាប់ជាមួយម៉ូតូយ៉ាងអណោចអធម៌ ខណៈពេលកំពុងជិះម៉ូតូស្រាប់តែមានរថយន្តកុងទីន័រ(មិនស្គាល់ស្លាកលេខ) បើកបុកក្នុងទិសដៅបញ្ច្រាស់គ្នាយ៉ាងពេញទំហឹងហើយបើករត់គេចខ្លួនបាត់ស្រមោល ។
ហេតុការណ៍គ្រោះថ្នាក់ចរាចរណ៍ដ៏រន្ទត់នេះបានបង្កឲ្យមានការភ្ញាក់ផ្អើលឡើងកាលពីវេលាម៉ោង០៧:៣០នាទីយប់ ថ្ងៃទី១២ ខែកញ្ញា ឆ្នាំ២០១៨នេះ ត្រង់ចំណុចមុខបន្ទាយកងពលតូចលេខ៧០ តាមផ្លូវជាតិលេខ៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះ(សព)ឈ្មោះ ប្រាក់ បុរី អាយុ មានស្រុកកំណើតនៅពាមឧកញ៉ាអ៊ុង ស្រុកល្វាឯម ខេត្តកណ្ដាល ជិះម៉ូតូស្មាក់រេវ៉ូ ស៊េរីចាស់ ពាក់ស្លាកលេខភ្នំពេញ 1AI-9502 ។
តាមសាក្សីដែលឃើញហេតុការណ៍ខាងលើបានឲ្យដឹងថា នៅមុនកើតកើតហេតុ គេឃើញជនរងគ្រោះជិះម៉ូតូមួយគ្រឿងម៉ាក Smash ស៊េរីចាស់ ធ្វើដំណើរក្នុងល្បឿនធម្មតា ខណៈមកដល់កន្លែងកើតហេតុ ស្រាប់តែមានរថយន្តកុងទីន័រ មួយគ្រឿង (មិនចាំស្លាកលេខ) បើកយ៉ាងលឿនទៅបុកម៉ូតូជនរងគ្រោះ ក្នុងទិសដៅបញ្ច្រាស់បណ្តាលឲ្យជនរងគ្រោះដួលបោកក្បាលហូរឈាម និងបាក់កស្លាប់ភ្លាមៗនៅកន្លែងកើត ហើយរថយន្តបង្កបានព្យាយាមបើករត់ស្រមោល បន្សល់ទុកសាកសពជនរងគ្រោះជាប់ជាមួយម៉ូតូគួរឲ្យសង្វេក ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុ រួចទាក់ទងទៅកាន់សមត្ថកិច្ចជំនាញ ដើម្បីចុះនកពិនិត្យ និងធ្វើកំណត់ហេតុអោយរថយន្តដឹកយកសពទៅតម្កល់នៅវត្តទឹកថ្លា ដើម្បីរងចាំស្រាវជ្រាវស្វែងរកសាច់ញាតិ មកទទួលយកទៅធ្វើបុណ្យតាមប្រពៃណី រីឯម៉ូតូវិញសមត្ថកិច្ចជំនាញ យកទៅរក្សាទុកនៅការិយាល័យចរាចរណ៍ជើងគោកក្រុង ដើម្បីរងចាំសាច់ញាត្តិយកឯកសារ មកទទួលយកទៅវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។