អាមេរិកបញ្ចូនយន្តហោះចម្បាំងបំបាំងកាយ F-35 ទៅកាន់មជ្ឈឹមបូព៌ាត្រៀមទប់ទល់នឹងរុស្ស៊ី
អន្តរជាតិ ៖ ក្រោយពេលមានព័ត៌មានថា រុស្ស៊ីអាចនឹងវាយប្រហារទាំង ទីតាំងដែលមានទាហានអាមេរិកឈរជើង បានបង្ករក្តីបារម្ភយ៉ាងខ្លាំងដល់សុវត្ថភាពទាហានអាមេរិក ។ ទាំងនោះហើយបានអាមេរិកបង្កើនកម្លាំង នៅក្នុងទឹកដីស៊ីរី ដើម្បីការពារ។
សារព័ត៌មាន Business Insider បានផ្សាយថា នាវាផ្ទុកយន្តហោះ អាមេរិក បានដឹកយន្តហោះចម្បាំងបំបាំងកាយ ប្រភេទ F-35 ដែលជាយន្តហោះទំនើបបំផុតលើពិភពលោក ទៅកាន់មជ្ឈឹមបូព៌ា ក្រោយពេល រុស្ស៊ីបានប្រមាន វាយប្រហារ ទាំងទាហានអាមេរិក នៅក្នុងប្រទេសស៊ីរី ដែលបានការពារ ក្រុមឧទ្ទាម ។
នេះជាកម្មភាព បង្ហាញពីសម្ថភាពយោធារបស់ប្រទេសមហាអំណាចបរមាណូ ទាំងពីរ ។ រុស្ស៊ី ក៏បានបញ្ចូន មួយកងពលទាហានជើង ទឹក ទៅសហការជាមួយរដ្ឋាភីបាលស៊ីរី ក្នុងការវាយប្រហារ លើក្រុមប្រឆាំង ដណ្តើមទីតាំងចុងក្រោយមកវិញ នៅក្នុងខេត្ត Idlib ។ ជាមួយគ្នានោះរុស្ស៊ី ក៏បានបញ្ចាក់ផងដែរ ថាអាមេរិក បាន រៀបចំសម្តែងឈុតឆាកនៃការវាយប្រហារ ដោយអាវុធគីមីរួចទម្លាក់កំហុសទៅលើទាហានរដ្ឋាភិបាលស៊ីរី ដើម្បីជា មូលហេតុ ឲ្យអាមេរិក និងសម្ព័ន្ធមិត្តបើកការវាយប្រហារ ។
សេតវិមានបានប្រកាសថា អាមេរិក និងសម្ព័ន្ធមិត្ត នឹងបើកការវាយប្រហារភ្លាមៗ នៅពេលដែលទទួលបានព័ត៌មានថា ទាហានស៊ីរីប្រើប្រាស់អាវុធគីមីនោះ ។ អាមេរិកនឹងបើកការវាយប្រហារដោយមីស៊ីល ទៅលើទីតាំង របស់រដ្ឋាភីបាល ។
សារព័ត៌មាន CNN បានផ្សាយថា រុស្ស៊ីបានប្រមាន បើកការវាយប្រហារទៅលើទីតាំង យោធានៅភាគខាងត្បូងប្រទេសស៊ីរី ដែលជាកន្លែងមានទាហានអាមេរិកឈរជើង ។ រដ្ឋាភីបាលទីក្រុងមូស្កូបានបញ្ចាក់ថា បានឃើញក្រុម ឧទ្ទាម លាក់ខ្លួននៅទីតាំងអាមេរិក គ្រប់គ្រង ។ អាមេរិកបានបង្ហាញក្តីបារម្ភ ថា ទាហានរបស់ខ្លួននឹងជួបគ្រោះថ្នាក់ បើរុស្ស៊ីវាយប្រហារនោះ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។