ស្លាប់ម្នាក់ របួសធ្ងន់ម្នាក់ ក្នុងហេតុការណ៍បើកម៉ូតូលឿន បុកពីក្រោយម៉ូតូដឹកអេតចាយ នៅស្រុកវាលវែង
ខេត្តពោធិ៍សាត់៖ កាលពីថ្ងៃទី០៥ ខែកញ្ញា ឆ្នាំ២០២១ មានករណីគ្រោះថ្នាក់ចរាចរណ៍ រវាងម៉ូតូនឹងម៉ូតូសណ្ដោងរឺម៉កអេតចាយ បណ្តាលឲ្យមនុស្សចំនួន ២នាក់ ស្លាប់ និងរបួស លើកំណាត់ផ្លូវជាតិលេខ៥៥ នៅចំណុចស្រែតាំងយ៉ ភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
តាមរបាយការណ៍ពីនគរបាលស្រុកវាលវែង បានឲ្យដឹងថា មុនពេលកើតហេតុមានម៉ូតូ ១គ្រឿង ម៉ាក HONDA BEAT ពណ៌ស ពាក់ស្លាកលេខ កំពង់ឆ្នាំង1K-6247 ជិះគ្នា២នាក់ បើកបរក្នុងទិសដៅពីលិចទៅកើត លុះដល់កន្លែងកើតហេតុ ក៏ជ្រុលទៅបុកយ៉ាងពេញទំហឹងចំពីក្រោយម៉ូតូសណ្តោងរឺម៉កអេតចាយ ម៉ាក WAVE អាល់ហ្វា ពណ៌ខ្មៅ គ្មានស្លាកលេខ ទិសស្របគ្នា បណ្តាលឲ្យអ្នកជិះម៉ូតូទាំង ២នាក់ ស្លាប់ និងរបួសតែម្តង។ រីឯអ្នកបើកបរម៉ូតូសណ្តោងរឺម៉ក បានរត់គេចខ្លួនបាត់។
ក្រោយពេលកើតហេតុ អាជ្ញាធរមូលដ្ឋាន បានបញ្ជូនអ្នករងរបួសធ្ងន់ ទៅសង្គ្រោះនៅមន្ទីរពេទ្យបង្អែកខេត្តពោធិ៍សាត់។ ចំណែកសព ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។