វៀតណាម ទទួលជំនួយវ៉ាក់សាំង ពីបារាំង និងអ៊ីតាលីជាង ១លានដូសទៀត
វៀតណាម៖ វៀតណាមបានទទួលជំនួយវ៉ាក់សាំង AstraZeneca ចំនួន១,៤៨៤,០៦០ដូសទៀត ពីប្រទេសបារាំំងនិងអ៊ីតាលី តាមរយៈកម្មវិធីកូវ៉ាក់ កាលពីពេលថ្មីៗនេះ។
បារាំងបានផ្តល់ ៦៧២០០០ដូស ទៀត ខណៈអ៊ីតាលីផ្តល់ ៨១២០៦០ដូសទៀត កាលពីថ្ងៃទី១៤ កញ្ញា នេះបើតាមសេចក្តីប្រកាសព័ត៌មាន ចេញផ្សាយដោយអង្គការ UNICEF ។
វៀតណាមមកទល់ពេលនេះ ទទួលបានវ៉ាក់សាំងជាង១១.៧លានដូសហើយ ពីយន្តការកូវ៉ាក់ ខណៈដែលប្រទេសនេះចាក់វ៉ាក់សាំងជាង៣០លានដូសហើយ សម្រាប់អ្នកចាក់១ដូស ខណៈប្រមាណ៦លាននាក់ចាក់ដូសទី២ពេញលេញ គិតត្រឹមថ្ងៃទី១៤ កញ្ញា។
វៀតណាមគ្រោងប្រមូលវ៉ាក់សាំងឲ្យបាន១៥០លានដូស សម្រាប់ចាក់ជូនប្រជាពលរដ្ឋយ៉ាងតិច៧០ភាគរយនៃចំនួនប្រជាជនសរុប ៩៦លាននាក់ នៅត្រឹមឆ្នាំក្រោយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។