ប្រធានសាខាគ្រឹៈស្ថានវិវឌ្ឍន៍ហ្គោលដិន ស្រុកស្វាយអន្ទរ សម្លាប់បុគ្គលិកនៅកន្លែងការងារ

កម្លាំងនគរបាលខេត្តព្រៃវែងបានសម្រេចធ្វើការឃាត់ខ្លួន​ប្រធានសាខាគ្រឹៈស្ថានវិវឌ្ឍន៍ហ្គោលដិនស្រុកស្វាយអន្ទរ ពាក់ព័ន្ធករណីឃាតកម្ម កាលពីថ្ងៃទី២៦ ខែកញ្ញា ឆ្នាំ២០២១ នៅចំណុចក្នុងបន្ទប់ក្នុងគ្រឹៈស្ថានវិវឌ្ឍន៍ហ្គោលឌិនហ្វាយនែន សាខាស្វាយអន្ទរ ស្រុកស្វាយអន្ទរ ខេត្តព្រៃវែង។

លោកឧត្តមសេនីយ៍ត្រី ពៅ ជីវី ស្នងការរងនគរបាលខេត្តព្រៃវែង បានឲ្យដឹងថាជនរងគ្រោះ(សព) ឈ្មោះមុំ ចិន្តា ភេទស្រី អាយុ២៧ឆ្នាំ នៅភូមិ៨ សង្កាត់កំពង់លីវ ក្រុងព្រៃវែង ខេត្តព្រៃវែង ជាបុគ្គលិគ្គសាខាវិវឌ្ឍន៍ហ្គោឌិន ហ្វាយនែន។

លោកស្នងការរងនគរបាលខេត្តព្រៃវែង បានបន្តថា ក្រោយពីទទួលបានដំណឹងលោក ចាន់ វណ្ណៈ ព្រះរាជអាជ្ញារង និងលោក បានដឹកនាំកម្លាំងជំនាញសហការជាមួយសមត្ថកិច្ចស្រុក, កម្លាំងប៉ុស្តិ៍នគរបាលរដ្ឋបាល ពិនិត្យកន្លែងកើតហេតុនិងសាកសពៈ សាកសពដេកផ្ងាក្បាលទៅទិសខាងត្បូង, សម្លៀកបំពាក់ជាប់នឹងខ្លួន, កដៃទាំង២មានស្នាមខ្សែរចងកដៃទ្រុត៤កន្លែង, កែងដៃទាំង២ស្នាមជាំខ្មៅ, កែងជើងសងខាងដាច់រលាត់ស្បែក។

លោកឧត្តមសេនីយ៍ត្រី ពៅ ជីវី បន្ថែមថា តាមកាបំភ្លឺពីម្តាយសាកសពឈ្មោះសឿ សុវណ្ណរី អាយុ៥០ឆ្នាំ ថានៅវេលាម៉ោង១០និង០០នាទី មេរបស់គាត់ហៅអោយទៅប្រជុំ ក្រោយពីកូនខ្លួនទៅបាត់ រហូតដល់ម៉ោង២០និង០០នាទី ទើបដឹងព័ត៌មានពីក្រុមការងារធ្វើការជាមួយកូនទូរសព្ទប្រាប់គាត់ថា កូនខ្លួនស្លាប់នៅកន្លែងធ្វើការងារវា។

លោកឧត្តមសេនីយ៍ត្រី ពៅ ជីវី ស្នងការរងនគរបាលខេត្តព្រៃវែង បានបញ្ជាក់ថា យោងតាមការពិនិត្យកន្លែងកើតហេតុ ការបំភ្លឺរបស់ម្តាយសាកសព និងពិនិត្យសាកសព គឺសាកសពស្លាប់ដោយសារការប្រើកម្លាំងខ្ទុបមុខអោយថប់ដង្ហើមដាច់ខ្យល់ស្លាប់ពិតជាករណីឃាតកម្ម។

សមត្ថកិច្ចស្រាវជ្រាវឃាត់ខ្លួនជនសង្ស័យម្នាក់ឈ្មោះយ៉ុម ចន្ថា ភេទប្រុស ឆ្នាំណើត១៩៩៩ រស់នៅភូមិល្ហើយ ឃុំ-ស្រុកពាមរក៍ ខេត្តព្រៃវែង ជាប្រធានសាខាគ្រឹៈស្ថានវិវឌ្ឍន៍ហ្គោលដិនស្រុកស្វាយអន្ទរ។

ក្រោយការសាកសួរហើយជនសង្ស័យក៏បានសារភាពថា ខ្លួនពិតជាបានម្លាប់ជនរងគ្រោះពិតប្រាកដមែន។

បច្ចុប្បន្នជនសង្ស័យឃាត់ខ្លួននៅអធិការដ្ឋានគរបាលស្រុកស្វាយអន្ទរដើម្បីកសាងសំណុំរឿងតាមនីតិវិធី ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។