នគរបាលខណ្ឌឫស្សីកែវ រឹបអូសគ្រឿងញៀនជាង ៥០០គ្រាប់!
ភ្នំពេញ៖ កាលពីថ្ងៃទី២៩ ខែកញ្ញា ឆ្នាំ២០២១ កម្លាំងនគរបាលខណ្ឌឫស្សីកែវ បានចុះរឹបអូសជួញដូរគ្រឿងញៀន ដោយជនសង្ស័យបានបោះគ្រឿងញៀនចោល ស្ថិតនៅចំណុចដីឡូត៍មួយកន្លែង ក្នុងក្រុម១៣ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ។
នគរបាលជំនាញ បានឲ្យដឹងថា ចំពោះវត្ថុតាងមួយថង់ ដែលរឹបអូសបាននោះ មានដូចជា៖ ថ្នាំគ្រាប់ផ្កាឈូកMDMA ចំនួន៧២ក្រាម, ថ្នាំគ្រាប់ពណ៌ប្រផេះMDMA ៣០០ក្រាម, ក្រាមពណ៌ស(កេតាមីន) ១៦០ក្រាម និងយ៉ាសាប៉ាម ១១៥គ្រាប់។
សរុបទាំងអស់ ៖ ប្រភេទ MDMA ចំនួន៣៧២ក្រាម បូកនឹងប្រភេទកេតាមីន១៦០ក្រាម សរុបមានចំនួន៥៣២ក្រាម ដែលជារបស់ជនសង្ស័យ។
នៅថ្ងៃដដែល កម្លាំងជំនាញខណ្ឌ បានចុះទៅដល់ទីតាំងកើតហេតុជនសង្ស័យឈ្មោះ សាន្ត វិសាល បានជួលស្នាក់បណ្ដោះអាសន្ន លេខB2 ក្រុម១៣ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។