ស្លាប់២នាក់ភ្លាមៗ ក្នុងករណីរថយន្ត បុកម៉ូតូ នៅស្រុកចិត្របុរី!
ខេត្តក្រចេះ៖ យ៉ាងហោចណាស់មនុស្សចំនួន ២នាក់ បានស្លាប់ភ្លាមៗ ក្នុងករណីគ្រោះថ្នាក់ចរាចរណ៍មួយ រវាងរថយន្ត បុកម៉ូតូពេញទំហឹង កាលពីវេលាម៉ោងជាង១០យប់ ថ្ងៃទី៣០ ខែកញ្ញា ឆ្នាំ២០២១ម្សិលមិញ នៅចំណុចភូមិបុសលាវក្រោម ឃុំបុសលាវ ស្រុកចិត្របុរី ខេត្តក្រចេះ។
នគរបាលខេត្តក្រចេះ បានឲ្យដឹងថា មូលហេតុអ្នកបើកបរម៉ូតូ ស្រវឹង មិនគោរពសិទ្ធអាទិភាព បើកបរចូលទៅស្តាំដៃរថយន្ត ទើបបង្កជាគ្រោះថ្នាក់ បណ្តាលឲ្យមានមនុស្សស្លាប់តែម្តង។ ភ្លាមៗរថយន្តបង្ក បានបើករត់គេចខ្លួនបាត់។
ករណីនេះនគរបាលជំនាញ បានធ្វើកំណត់ហេតុ និងបន្តស្រាវជ្រាវរករថយន្តបង្ក ដើម្បីបន្តតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។