វៀតណាម ប្រកាសរកឃើញអ្នកឆ្លងកូវីដ១៩ថ្មីជិត ៣ពាន់ករណីទៀត និងស្លាប់ ៩៣នាក់
វៀតណាម៖ ក្រសួងសុខាភិបាលវៀតណាមបានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន ២,៩៤៩ករណីបន្ថែមទៀត កាលពីថ្ងៃទី១២ ខែតុលា ឆ្នាំ២០២១។
ប្រភពថា ក្នុងចំណោមករណីឆ្លងថ្មីៗខាងលើ មាន១០ករណីជាករណីនាំចូល ក្រៅពីនោះសុទ្ធតែជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះបានរ៉ាប់រងករណីឆ្លងថ្មីតែឯងរហូតដល់ ១,០១៨នាក់។
ក្នុងរបាយការណ៍ថ្ងៃអង្គារនេះដែរ ក្រសួងសុខាភិបាលវៀតណាមក៏បានប្រកាសពីករណីអ្នកស្លាប់ថ្មី ដោយសារជំងឺដ៏កាចសាហាវនេះទេចំនួន៩៨នាក់បន្ថែមទៀតផងដែរ។
គិតត្រឹមយប់ថ្ងៃទី១២ ខែតុលា វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨៤៦,២៣០នាក់ ក្នុងនោះអ្នកជំងឺជាសះស្បើយចំនួន ៧៨៦,០៩៥នាក់ ចំណែកចំនួនអ្នកស្លាប់សរុបចំនួន ២០,៧៦០នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។