ថ្នាំគ្រាប់ Molnupiravir ព្យាបាលកូវីដ ត្រូវបានបញ្ជាទិញពីប្រទេសជាច្រើន ទោះមិនទាន់ទទួលស្គាល់
ទីភ្នាក់ងារសារព័ត៌មាន CNN បានចេញផ្សាយថា ថ្នាំគ្រាប់ព្យាបាលកូវីដមួយប្រភេទឈ្មោះ Molnupiravir ដែលត្រូវបានផលិតឡើងដោយក្រុមហ៊ុន Merck របស់សហរដ្ឋអាមេរិក កំពុងត្រូវបានប្រទេសជាច្រើន ជាពិសេសនៅអាស៊ី ប៉ាស៊ីហ្វិក បញ្ជាទិញ បើទោះបីជាថ្នាំគ្រាប់នេះ មិនទាន់ត្រូវបានទទួលស្គាល់ និងអនុញ្ញាតិឱ្យប្រើប្រាស់ ជាផ្លូវការនៅឡើយ។
យ៉ាងណាមិញ ថ្នាំគ្រាប់ផលិតដោយក្រុមហ៊ុន Merck បាននឹងកំពុងដុតដៃដុតជើង ដើម្បីសុំការទទួលស្គាល់និងអនុញ្ញាតិឱ្យប្រើប្រាស់ ពីនាយកដ្ឋានចំណីអាហារនិងឱសថរបស់សហរដ្ឋអាមេរិក។
ថ្នាំគ្រាប់ Molnupiravir មានសមត្ថភាពអាចព្យាបាលអ្នកជំងឺដែលបានឆ្លងជំងឺកូវីដ១៩ ដោយមិនចាំបាច់ទៅស្នាក់នៅដើម្បីព្យាបាលនៅមន្ទីរពេទ្យនោះទេ។ CNN បានឱ្យដឹងថា អ្នកជំងឺកូវីដអាចចាប់ផ្តើមលេបថ្នាំគ្រាប់នេះ មួយថ្ងៃ២ដង រយៈពេល ៥ថ្ងៃ ដែលសរុបមកគឺស្មើនឹង ៤០គ្រាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។