អាវុធរុស្ស៊ី មិនមានសត្រូវទៀតឡើយនៅលើពិភពលោក
ប្រធានាធិបតីរុស្ស៊ីលោកពូទីន បានបញ្ជាក់ថា រុស្ស៊ីបានបង្កើតប្រព័ន្ធសព្វាវុធ មិនមានគូប្រជែងនៅលើពិភពលោកឡើយ។ នេះគឺជាជោគជ័យយ៉ាងធំធេងក្នុងវិស័យបច្ចេកវិទ្យាសព្វាវុធរបស់រុស្ស៊ី បង្កើនសមត្ថភាពការពារនិងវាយលុក ទៅលើគោលដៅរបស់សត្រូវ ។
ប្រធានាធិបតីពូទីនបាន ថ្លែងនៅក្នុងកិច្ចប្រជុំស្តីពីវិស័យការពារជាតិថា ឃ្លាំងអាវុធដ៏ទំនើបផលិតដោយប្រទេសរុស្ស៊ី នឹងធានាដល់សន្តិសុខខ្ពស់សម្រាប់ទាហានរុស្ស៊ី និងដែនអធិបតេយ្យរបស់រុស្ស៊ី។
ប្រធានាធិបតីពូទីនបានបញ្ជាក់ថា «នៅថ្ងៃនេះ យើងនឹងពិភាក្សាស្តីពី ទំនើបភាវូបនីយកម្មនៃកម្លាំងទាហានជើងគោក ជើងទឹក ជាមួយនឹងប្រព័ន្ធសព្វាវុធទំនើបៗ មីស៊ីលល្បឿនលឿន អាវុធឡាស៊ែរ និងអាវុធជាច្រើនប្រភេទទៀត … គ្មានគូព្រៀបនៅលើលោកនេះជួយធានាដល់សន្តិសុខជាតិ ជាច្រើនឆ្នាំខាងមុខទៀត ឬច្រើនទសវត្សរ៍ខាងមុខ »។
ប្រធានាធិបតីរុស្ស៊ីបញ្ជាក់ទៀតថា ការអភិវឌ្ឍន៍សព្វាវុធដោយជោគជ័យ ខាងលើគឺត្រូវចំណាយពេលវេលា ការខិតខំ ស្រាវជ្រាវ និងមូលនិធិជាច្រើនទើបអាចសម្រេចបានគោលដៅខាងលើ។
ការលើកឡើងខាងលើរបស់ប្រធានាធិបតីរុស្ស៊ីក្រោយពេលដែល អាមេរិក ប្រកាសទទួលស្គាល់ថា បាចាញ់ព្រៀបរុស្ស៊ី និងចិន ក្នុងវិស័យផលិតមីស៊ីលល្បឿនលឿន។ អាមេរិកបានដើរទៅមុនប៉ុន្តែដោយសារតែការផ្អាកបន្តដំណើរក្នុងវិស័យអាវុធល្បឿនលឿន ទើបធ្វើឲ្យអាមេរិកត្រូវនៅពីក្រោយរុស្ស៊ីនិងចិនវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។