ចាប់ខ្លួនមនុស្ស ៤នាក់ ដកហូតគ្រឿងញៀន ៥កញ្ចប់ និងជិត ២០០គ្រាប់ នៅស្រុកកំរៀង
ខេត្តបាត់ដំបង៖ កាលពីថ្ងៃទី១០ ខែវិច្ឆិកា ឆ្នាំ២០២១ នគរបាលស្រុកកំរៀង បានឃាត់ខ្លួនជនសង្ស័យចំនួន ៤នាក់ ពាក់ព័ន្ធករណីគ្រឿងញៀន នៅចំណុចខារ៉ាអូខៅវីធូ ក្រុមទី០១ ភូមិត ឃុំបឹងរាំង ស្រុកកំរៀង ខេត្តបាត់ដំបង។
ជនសង្ស័យទាំង ៤នាក់នោះ គឺទី១-ឈ្មោះ វ៉ន សុភា ភេទប្រុស អាយុ២៧ឆ្នាំ, ២-ឈ្មោះ វ៉ន សុផល ភេទប្រុស អាយុ២៥ឆ្នាំ, ៣-ឈ្មោះ វឹង ដាវីត ភេទប្រុស អាយុ២៦ឆ្នាំ និង៤-ឈ្មោះ ហម វ៉ាន់ដេត ភេទស្រី អាយុ២៨ឆ្នាំ។
ចំពោះវត្ថុតាងចាប់បាន រួមមាន៖ ថ្នាំញៀនប្រភេទកេតាមីន (KETAMIN) ចំនួន ៥ថង់ ទម្ងន់ ៣៧,៩៩ក្រាម, ថ្នាំញៀនប្រភេទអ៊ិចស្តាស៊ី (MDMA) ចំនួន ១៧៨គ្រាប់ ទម្ងន់ ៦២,៣៥ក្រាម, ម្សៅសស្រអាប់ចំនួន ១ថង់ ទម្ងន់ ៨៧,៧០ក្រាម, ទូរស័ព្ទដៃ ៤គ្រឿង, ជញ្ជីង២គ្រឿង និងថង់ច្រកថ្នាំញៀនមួយចំនួន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។