រថយន្តដឹកសំរាម បុករះម៉ូតូ ១គ្រឿង និងរថយន្ត ៣គ្រឿងទៀត បណ្តាលឲ្យមនុស្សស្លាប់ម្នាក់ នៅក្រុងព្រះសីហនុ
ខេត្តព្រះសីហនុ៖ ករណីគ្រោះថ្នាក់ចរាចរណ៍មួយ បង្កឡើងដោយរថយន្តដឹកសំរាម ១គ្រឿង បានបុករះម៉ូតូ ១គ្រឿង និងរថយន្តចំនួន ៣គ្រឿងទៀត បណ្តាលឲ្យមនុស្សស្លាប់ កាលពីរសៀល ថ្ងៃទី១៤ ខែវិច្ឆិកា ឆ្នាំ២០២១ម្សិលមិញ លើផ្លូវជាតិលេខ៤ មុខរោងចក្រក្រោន ស្ថិតក្នុងភូមិ១ សង្កាត់លេខ១ ក្រុងព្រះសីហនុ។
របាយការណ៍ពីសមត្ថកិច្ច បញ្ជាក់ថា រថយន្តដឹកសំរាមបើកបរដោយឈ្មោះ ធឿន ថិត ភេទប្រុស អាយុ២៥ឆ្នាំ ទីលំនៅបច្ចុប្បន្នភូមិ១ សង្កាត់លេខ១ ក្រុង/ខេត្តព្រះសីហនុ បានបុករះម៉ូតូ ១គ្រឿង និងរថយន្តចំនួន ៣គ្រឿង រួមមាន៖
១/ម៉ូតូម៉ាក HONDA AIRBLADE ពណ៌ខ្មៅ គ្មានផ្លាកលេខ អ្នកបើកបរឈ្មោះ វ៉ាន់ លី ភេទស្រីអាយុ ១៨ឆ្នាំ មុខរបរសិស្ស ស្នាក់នៅភូមិ១ សង្កាត់លេខ១ ក្រុង/ខេត្តព្រះសីហនុ (ស្លាប់)។
២/រថយន្តម៉ាក TOYOTA PRIUS ពណ៌ខៀវ ពាក់ផ្លាកលេខភ្នំពេញ2BN-9072 អ្នកបើកបរឈ្មោះ សុខ បញ្ញា ភេទប្រុស អាយុ ៤០ឆ្នាំ មុខរបររត់តាក់សុី ស្នាក់នៅភូមិកែវផុស ឃុំកែវផុស ស្រុកស្ទឹងហាវ ខេត្តព្រះសីហនុ។
៣/រថយន្តម៉ាក FRONTIER ពណ៌ស គ្មានផ្លាកលេខ អ្នកបើកបរឈ្មោះ ពេជ្រ វិចិត្រ ភេទប្រុស អាយុ ៣៨ឆ្នាំ មុខរបរបើកបររថយន្ត ស្នាក់នៅភូមិ១ សង្កាត់លេខ១ ក្រុង/ខេត្តព្រះសីហនុ។
៤/រថយន្តម៉ាក STAREX ពណ៌ទឹកប្រាក់ ពាក់ផ្លាកលេខ ភ្នំពេញ2AN-6973 អ្នកបើកបរឈ្មោះ សឿន តុងលីប ភេទប្រុស អាយុ ៣១ឆ្នាំ មុខរបររត់តាក់ស៊ី ស្នាក់នៅភូមិ១ សង្កាត់លេខ១ ក្រុង/ខេត្តព្រះសីហនុ។
ក្រោយកើតហេតុ អ្នកបើកបររថយន្តដឹកសំរាម បានចុះរត់គេចខ្លួន។ ករណីនេះ សមត្ថកិច្ច បានចាត់ចែងបន្តដោះស្រាយតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។