កម្ពុជា បន្តរកឃើញអ្នកឆ្លងកូវីដ-១៩ថ្មី ៣៩នាក់ទៀត និងស្លាប់ ៤នាក់ទៀត
ភ្នំពេញ៖ ក្រសួងសុខាភិបាល នៅថ្ងៃទី២៣ ខែវិច្ឆិកា ឆ្នាំ២០២១នេះ បានប្រកាសរកឃើញអ្នកវិជ្ជមានកូវីដ-១៩ថ្មី ៣៩នាក់ទៀត ខណៈមានអ្នកជាសះស្បើយ ៣៤នាក់ និងមានអ្នកស្លាប់ថ្មី ៤នាក់ទៀត កាលពីម្សិលមិញ។
ក្រសួងសុខាភិបាល បញ្ជាក់ថា ក្នុងចំណោមអ្នកវិជ្ជមានទាំង ៣៩នាក់នោះ មានអ្នកដំណើរមកក្រៅប្រទេស ៦នាក់ និង ករណីឆ្លងក្នុងសហគមន៍ ២០កុម្ភៈថ្មី ៣៣នាក់។ អ្នកស្លាប់ទាំង៤នាក់ ក្នុងនោះមិនបានចាក់វ៉ាក់សាំងកូវីដ-១៩ ចំនួន០២នាក់។
សូមជម្រាបថា គិតត្រឹមព្រឹកថ្ងៃទី២៣ ខែវិច្ឆិកា ឆ្នាំ២០២១នេះ កម្ពុជា មានអ្នកឆ្លងជំងឺកូវីដ-១៩សរុបចំនួន ១១ម៉ឺន៩ពាន់៩៤៣ នាក់។ ក្នុងនោះបានព្យាបាលជាសះស្បើយ ១១ម៉ឺន៦ពាន់៣២០ នាក់ និងអ្នកស្លាប់សរុប ២៩០៩នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។