បង្ក្រាបករណីជួញដូរគ្រឿងញៀនជាង ១គីឡូក្រាម ចាប់ខ្លួនជនជាតិខ្មែរម្នាក់ នៅខេត្តកំពង់ស្ពឺ
ខេត្តកំពង់ស្ពឺ៖ កាលពីថ្ងៃទី១៨ ខែធ្នូ ឆ្នាំ២០២១ កម្លាំងជំនាញនៃមន្ទីរប្រឆាំងគ្រឿងញៀន សហការជាមួយស្នងការដ្ឋានគរបាលខេត្តកំពង់ស្ពឺ បានធ្វើការបង្ក្រាបករណីជួញដូរគ្រឿងជាង ១គីឡូក្រាម នៅចំណុចភូមិសុវណ្ណគីរី ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ដោយឃាត់ខ្លួនជនសង្ស័យម្នាក់។
ជនសង្ស័យឈ្មោះ ម៉ែន វិច្ឆិការ ភេទប្រុស អាយុ១៩ឆ្នាំ ជនជាតិខ្មែរ និងវត្ថុតាងដែលចាប់បាន មេតំហ្វេតាមីន (ICE)ទម្ងន់ ១៣៨៥,៤៩ក្រាម។
បច្ចុប្បន្ន ជនសង្ស័យ និងវត្ថុតាងចាប់យកខាងលើ ត្រូវបានសមត្ថកិច្ចជំនាញ កសាងសំណុំរឿងបញ្ជូនទៅសាលាដំបូងខេត្តកំពង់ស្ពឺ បន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។