ជនសង្ស័យម្នាក់ ពាក់ព័ន្ធករណីរក្សាទុកកញ្ឆាក្រៀម ៣កញ្ចប់
ភ្នំពេញ៖ កាលពីថ្ងៃទី០៤ ខែមករា ឆ្នាំ២០២២ កម្លាំងជំនាញនគរបាល ខណ្ឌពោធិ៍សែនជ័យ បានឃាត់ខ្លួនជនសង្ស័យម្នាក់ ករណីរក្សាទុកដោយខុសច្បាប់ នូវសារធាតុញៀន អំឡុងពេលកម្លាំងចំរុះដាក់គោលដៅត្រួតពិនិត្យអាវុធជាតិផ្ទុះ និងអនុវត្តន៍ច្បាប់ចរាចរណ៍ផ្លូវគោក នៅចំណុចមុខអធិការដ្ឋាននគរបាល ខណ្ឌពោធិ៍សែនជ័យ ផ្លូវសហពន្ធ័រុស្សី ភូមិតាងួន សង្កាត់កាកាបទី១ ខណ្ឌពោធិ៍សែនជយ័ រាជធានីភ្នំពេញ។
ជនសង្ស័យឈ្មោះ សាន់ សឿន ភេទប្រុស អាយុ៣៧ឆ្នាំ ជនជាតិខ្មែរ មុខរបរ បកប្រែភាសាអង់គ្លេស ស្នាក់នៅផ្ទះ១៣៣ ភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ។
វត្ថុតាងដកហូត៖ កញ្ឆា ក្រៀម ចំនួន០៣កញ្ចប់ ថង់ (ថង់ ធំមានចំនួន០២កញ្ចប់ និងថង់តូច ចំនួន០១កញ្ចប់ ), ក្រាមពណ៌សថ្លា ចំនួន០១កញ្ចប់ ថង់តូច, ក្រាម ពណ៌ផ្កាឈូក (ថ្នាំគ្រាប់ ) ចំនួន០៥គ្រាប់ និងក្រាមពណ៌បៃតង (ថ្នាំ គ្រាប់ ) ចំនួន០១គ្រាប់, ម៉ូតូម៉ាកហុងដាឌ្រីម ពណ៌ខ្មៅ សេរីឆ្នាំ២០២១ ពាក់ផ្លាកលេខភ្នំពេញ 1IV-8359។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាល ខណ្ឌពោធិ៍សែនជ័យ ដើម្បីចាត់ការបន្តតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។