មេរោគបំប្លែងថ្មី អូមីក្រុង កំពុងវាយលុកប្រទេសហ្វីលីពីន
ក្រសួងសុខាភិបាលហ្វីលីពីន បានប្រកាសពីការរកឃើញអ្នកឆ្លងវីរុសកូវីដ១៩ចំនួន ១៥,៧៨៩នាក់និង ស្លាប់ ចំនួន៦៦នាក់បន្ថែមទៀតនៅថ្ងៃ ទី២៧មករា ឆ្នាំ២០២២ ក្នុងរយៈពេល២៤ម៉ោងចុងក្រោយ ខណ:អ្នកឆ្លងសរុបនៅក្នុងប្រទេសកើនឡើងជាលំដាប់ រហូតដល់ជាង ៣លាននាក់ហើយ នាពេលនេះ នេះបើយោងទៅតាមការចេញផ្សាយដោយទីភ្នាក់ងារសារព័ត៌មានចិនស៊ីនហួរ។
ស្ថានភាពកូវីដ១៩ នៅក្នុងប្រទេសហ្វីលីពីន ហាក់មិនទាន់មានការថមថយសោះ ដោយរហូតតមកដល់ពេលនេះ ហ្វីលីពីន បានរកឃើញអ្នកឆ្លងកូវីដ១៩រហូតទៅដល់៣,៤៧៥,២៩៣នាក់ជាសះស្បើយឡើងចំនួន ៣,១៩១,២១៩នាក់ និងស្លាប់ចំនួន ៥៣,៦៦៤នាក់។
សូមជម្រាបថាប្រទេសហ្វីលីពីន កំពុងតែជួបបញ្ហាប្រឈមមួយទៀតនោះ គឺជាការ ឆ្លងរីករាលដាលយ៉ាងឆាប់រហ័សនៃវីរុស បំប្លែងថ្មីអូមីក្រុង ហើយ ថ្ងៃទី១៥ ខែមករា កន្លងទៅ ប្រទេសហ្វីលីពីន រកឃើញអ្នកឆ្លងប្រចាំខ្ពស់បំផុតរហូតដល់៣៩,០០៤នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។