ឆ្នាំ២០២៧ ចិននិងបង្រួមបង្រួមកោះតៃវ៉ាន់ជាមួយចិនដីគោក
សាស្ត្រាចារ្យស្តីពីទំនាក់ទំនងអន្តរជាតិ លោក Jin Canrong បានព្រមានថា ប្រធានាធិបតីចិន ស៊ីជិនពីននឹងប្រើប្រាស់កម្លាំងដើម្បីពង្រួបបង្រួមកោះតៃវ៉ាន់ជាមួយចិនដីគោកនៅក្នុងឆ្នាំ២០២៧ ។
សារព័ត៌មាន Nikkei Asia នៅថ្ងៃទី ៣១ខែមករាឆ្នាំ២០២២ដោយបានដកស្រង់សំដី លោក Jin Canrong ជាសាស្ត្រាចារ្យស្រាវជ្រាវអន្តរជាតិមកពីមហាវិទ្យាល័យ Renmin និងជាទីប្រឹក្សា ឲ្យរដ្ឋាភិបាលទីក្រុងប៉េកាំងស្តីពីគោលនយោបាយការបរទេស បានលើកឡើងថា ក្នុងពេលមហាសន្និបាតបក្សកុម្មុយនិស្តចិន បញ្ចប់នៅដូវស្លឹកឈើជ្រុះឆ្នាំ២០២២ យុទ្ធសាស្ត្របង្រួបបង្រួមកោះតៃវ៉ាន់នឹងត្រូវចាប់ផ្តើមអនុវត្ត។
លោក Jin Canrong បានបញ្ជាក់ថា«មេដឹកនាំទីក្រុងប៉េកាំង អាចនឹងប្រើប្រាស់កម្លាំងប្រដាប់អាវុធ ក្នុងការបង្រួមបង្រួមកោះតៃវ៉ាន់នៅក្នុងឆ្នាំ២០២៧ ក្នុងឱកាសនៃខួប១០០ឆ្នាំថ្ងៃបង្កើតកម្លាំងទាហានរំដោះប្រជាជនចិន PLA »។
ការប្រឈមមុខតានតឹងជុំវិញបញ្ហាកោះតៃវ៉ាន់មិនទាន់ចុះកម្តៅនៅឡើយទេ ។ ចិនដីគោកតែងតែចាត់ទុកកោះតៃវ៉ាន់ជាចំណែកមួយនៃចិនដីគោកមិនអាចកាត់ផ្តាច់បានឡើយ ហើយចិនបានស្នើដល់អាមេរិកមិនត្រូវជ្រៀតជ្រែកកិច្ចការផ្ទៃក្នុង ហើយបញ្ឈប់រាល់ទំនាក់ទំនងជាមួយកោះតៃវ៉ាន់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។