កម្ពុជា និង​ឡាវ កំពុង​ស្វែងរក​លទ្ធភាព​អភិរក្ស​សត្វ​ផ្សោត និង​ធនធាន​ជលផល នៅក្នុង​តំបន់​អន្តរ​ព្រំប្រទល់​នៃ​ទន្លេមេគង្គ​

​តាមរយៈ​គេហទំព័រ​របស់​អង្គការ WWF បាន​ឲ្យ​ដឹងថា ក្រោយពី​បាន​ផ្សព្វផ្សាយ​យ៉ាង​ទូលំទូលាយ ទាំង​តាមរយៈ​ប្រព័ន្ធ​ផ្សព្វផ្សាយ ក្នុង​និង​ក្រៅប្រទេស និង​តាមរយៈ​យុទ្ធនាការ​ផ្សព្វផ្សាយ ដោយមាន​ការចូលរួម​ពី​សហគមន៍​កាលពី​ខែតុលា ឆ្នាំ​២០២១ កន្លងទៅនេះ រដ្ឋាភិបាល និង​អង្គការ WWF នៃ​ប្រទេស​កម្ពុជា និង​ឡាវ បាននិងកំពុង​ស្វែងរក​លទ្ធភាព​ដើម្បី​រៀបចំ​ឲ្យ​មាន​កិច្ចសហការ​រួមគ្នា​លើ​ការអភិរក្ស​សត្វ​ផ្សោត និង​ធនធាន​ជលផល ដែល​ស្ថិតនៅក្នុង​តំបន់​អន្តរ​ព្រំប្រទល់​នៃ​ទន្លេមេគង្គ​។

​នៅក្នុង​សេចក្តីប្រកាស​ព័ត៌មាន​រួម ដែល​បានចេញ​ផ្សាយ ក្នុង​ខែតុលា ឆ្នាំ​២០២១ ឯកឧត្តម ពុំ សុថា ប្រតិភូ​រាជរដ្ឋាភិបាល ទទួលបន្ទុក​ជា​ប្រធាន​រដ្ឋបាល​ជលផល បាន​មានប្រសាសន៍ថា «​បច្ចុប្បន្ន ទោះបីជា សត្វ​ផ្សោត​នៅសល់តែ​ចំនួន​មួយ​ក្បាល ក្នុង​អន្លង់​ឈើទាល (​អន្តរ​ព្រំប្រទល់​) នេះ​ក៏ដោយ ក៏​រដ្ឋបាល​ជលផល នៅតែ​បន្ត​ខិតខំ​ការពារ និង​ពង្រឹង​កិច្ចសហការ​ជាមួយ​ភាគី​ឡាវ ក្នុងការ​គ្រប់គ្រង​ធនធាន​ជលផល​ដ៏​មានតម្លៃ​នេះ​៕​

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close