ថៃ ប្តឹងទេសចរម្នាក់ ដែលអង្គុយលើថ្មប៉ប្រះទឹកផ្កាថ្ម
ផ្នែកគ្រប់គ្រងធនធានសមុទ្រនៅប្រទេសថៃ បានប្តឹងអ្នកទេសចរម្នាក់ ដែលអង្គុយលើថ្មប៉ប្រះទឹកផ្កាថ្ម កាលពីថ្ងៃម្សិលមិញ។
ទីភ្នាក់ងារសារព័ត៌មានបាងកកប៉ុស្តិ៍បានចេញផ្សាយថា កាលពីថ្ងៃទី១៣ កុម្ភៈ
នាយកដ្ឋានធនធានសមុទ្រ និងឆ្នេរសមុទ្រឱ្យដាក់ពាក្យបន្តឹងទៅនគរបាលចាត់វិធានការលើអ្នកទេសចរដែលអង្គុយលើថ្មប៉ប្រះទឹកផ្កាថ្មដែលជិតផុតពូជ។
លោក វូធីភុង វន់ជីន (Wutthipong Wongin) មន្ត្រីនាយកដ្ឋានទទួលបន្ទុកតំបន់ឆ្នេរភាគខាងកើត បានប្រើប្រាស់រូបថតរបស់អ្នកទេសចរ ឈ្មោះថា វីស៊ូ ឬាតានាសាធៀន (Wisutr Rattanasathian) ដែលបង្ហោះនៅលើគណនី Facebook របស់គាត់ជាភស្តុតាងសម្រាប់ពាក្យបណ្តឹង។
ប្រភពថា អ្នកទេសចររូបនេះអាចនឹងត្រូវពិន័យជាប្រាក់រហូតដល់ ១ លានបាត ស្មើនឹងជាង៣ម៉ឺនដុល្លារអាមេរិក ឬដាក់ពន្ធនាគាររហូតដល់ ១០ ឆ្នាំ ឬអាចនឹងជាប់ពន្ធនាគារផង បង់ប្រាក់ផង ប្រសិនបើគាត់ត្រូវបានគេរកឃើញថា មានកំហុសមែន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។