ដើមឆ្នាំ២០២២! កម្ពុជា បង្ក្រាបគ្រឿងញៀនជាង ១ពាន់ករណី ដកហូតថ្នាំញៀនជាង ៦០០គីឡូក្រាម
ភ្នំពេញ៖ គិតចាប់ពីថ្ងៃទី១ ខែមករា រហូតដល់ថ្ងៃទី២ ខែមិនា ឆ្នាំ២០២២ សមត្ថកិច្ចជំនាញ បានបង្ក្រាបករណីជួញដូរគ្រឿងញៀនសរុបចំនួន ១.១០០ករណី ដកហូតជាង ៦០០គីឡូក្រាម និងចាប់ខ្លួនជនសង្ស័យចំនួន ២.៤៣៨នាក់។
បើយោងតាមរបាយការណ៍ពីមន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានបញ្ជាក់ថា ក្នុងប្រតិបត្តិការបង្ក្រាបគ្រឿងញៀនក្នុងរយៈពេលនេះ សមត្ថកិច្ចចាប់យកវត្ថុតាងសារធាតុញៀនគ្រប់ប្រភេទជាង ៦៤៣គីឡូក្រាម, កញ្ឆា ១៣៨៧ដើម, កញ្ឆាស្ងួតជាង ៣១គីឡូក្រាម, សារធាតុផ្សំគីមី ១៧៣តោត និង៣៨០គីឡូក្រាម, រថយន្ត ២៥គ្រឿង, ម៉ូតូ ២៧១គ្រឿង, ទូរស័ព្ទ ១០២៧គ្រឿង, ជញ្ជីង ៧៣គ្រឿង, អាវុធខ្លី ៥ដើម និងអាវុធវែង ៦ដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។