គ្រោះថ្នាក់ចរាចរណ៍បណ្តាលឲ្យអ្នកបើកបរម្នាក់រងរបួសធ្ងន់ធ្ងរ
ខេត្តកោះកុង៖តាមសេចក្តីរាយការណ៍បានឲ្យដឹងថានៅថ្ងៃទី០៤ ខែវិច្ឆិកា ឆ្នាំ២០១៨ វេលាម៉ោង ១៥ និង៣០នាទី មានករណីគ្រោះ
ថ្នាក់ចរាចរណ៍ កើតឡើង បង្កដោយរថយន្តក្រឡាប់ដោយខ្លួនឯង នៅលើផ្លូវជាតិលេខ ៤៨ ចន្លោះបង្គោល Km ៦១-៦២ នៅចំណុចអន្ទង់អាំងធំ ស្ថិតក្នុងភូមិជីមាល ឃុំអណ្តូងទឹក ស្រុកបុទុមសាគរ។
សមត្ថកិច្ចឲ្យដឹងថារថយន្តបង្កហេតុម៉ាក FREIGHTLINER ពណ៌ខៀវ ពាក់ស្លាកលេខ ៣A៦៦៦៨ ព្រះសីហនុ ដឹកថ្មពីត្រពាំងក្រឡឹង មកជួសជុលផ្លូវ៤៨ បើកបរដោយឈ្មោះ ចន្ថា ភេទប្រុស អាយុ ២៦ឆ្នាំ ទីលំនៅ ខេត្តកំពត បានក្រឡាប់ធ្លាក់ចិញ្ចើមថ្នល់ដោយខ្លួនឯង បណ្តាលអោយរងរបួសធ្ងន់ និងខូចខាតទ្រព្យសម្បត្តិរដ្ឋ បាក់រនាំងសុវត្តិភាព៦សន្លឹក។
មូលហេតុ:ប្រើល្បឿនចុះចំណោត ត្រង់ផ្លូវកោង។ បច្ចុប្បន្ន ជនរងគ្រោះបានបញ្ជូនមកព្យាបាលនៅមន្ទីរពេទ្យបង្អែកខេត្ត។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។