យប់មិញ បុរសម្នាក់ត្រូវរថយន្តបុកស្លាប់នៅស្រុកប្រាសាទបាគង មិនទាន់ស្គាល់អត្តសញ្ញាណ
បើតាមសមត្ថកិច្ចបានឱ្យដឹងថា កាលពីរំលងអធ្រាត្រឈានចូលថ្ងៃទី២៧ ខែមេសា ឆ្នាំ២០២២នេះ មានករណីគ្រោះថ្នាក់ចរាចរណ៍មួយបានកើតឡើងនៅលើកំណាត់ផ្លូវជាតិលេខ៦ ចន្លោះគីឡូម៉ែត្រលេខ២៩២-២៩៣ ស្ថិតក្នុងភូមិស្វាយជ័យ ឃុំត្រពាំងធំ ស្រុកប្រាសាទបាគង ដោយរថយន្តមិនស្គាល់ម៉ាក បានបុកបុរសម្នាក់កំពុងជិះម៉ូតូស្លាប់។
តាមការបញ្ជាក់របស់សមត្ថកិច្ច ករណីគ្រោះថ្នាក់ចរាចរណ៍នេះ រថយន្ត និងម៉ូតូ បានបើកក្នុងទិសដៅច្រាសគ្នា ដោយរថយន្តបានបើកមកពីខាងលិច ហើយក៏បានបុកជាមួយម៉ូតូម៉ាកហុងដាសេ ១២៥ ស៊េរី២០១៧ ពណ៌ខ្មៅ ពាក់ផ្លាកលេខ សៀមរាប 1x-8974 បើកបរដោយបុរសម្នាក់បណ្តាលឱ្យស្លាប់ ចំណែករថយន្តបានបើកគេចទៅបាត់។
បុរសដែលរងគ្រោះមិនទាន់ត្រូវគេស្គាល់អត្តសញ្ញាណនៅឡើយទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។