រថយន្តដឹកទំនិញធុនធំ ក្រឡាប់ខ្លួនឯង ស្លាប់អ្នកបើកបរម្នាក់ នៅស្រុកព្រៃនប់
ខេត្តព្រះសីហនុ៖ បុរសជាអ្នកបើកបររថយន្តដឹកទំនិញធុនធំម្នាក់ បានស្លាប់ភ្លាមៗ ក្នុងហេតុការណ៍ក្រឡាប់រថយន្តដោយខ្លួនឯង កាលពីវេលាម៉ោងជាង ៥ល្ងាច ថ្ងៃទី០៨ឧសភា ម្សិលមិញ លើផ្លូវជាតិលេខ៤ ក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។
សមត្ថកិច្ច បានបញ្ជាក់ថា រថយន្តដែលក្រឡាប់នេះ ពាក់ផ្លាកលេខ ព្រះសីហនុ ៣A-៨០៨១ បើកបរទិសដៅខេត្តព្រះសីហនុ- រាជធានីភ្នំពេញ។ រីឯជនរងគ្រោះដែលស្លាប់នោះ មិនទាន់ស្គាល់អត្តសញ្ញាណទេ។
ក្រោយពេលកើតហេតុ សមត្ថកិច្ចជំនាញ បានចុះសម្រួលចរាចរណ៍នៅកន្លែងកើតហេតុ និងដោះស្រាយការងារបន្តតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។