ភ្លេងជាតិ និងទង់ជាតិកម្ពុជា ត្រូវប្រារព្ធឡើងប្រកបដោយមោទកភាពភាពជាតិ ក្នុងឱកាសពិធីបំពាក់មេដាយមាស ជូនកីឡាករចំបាប់កម្ពុជា ស៊ូ បាលី
ស៊ីហ្គេម៖ ភ្លេងជាតិ និងទង់ជាតិកម្ពុជាត្រូវប្រារព្ធឡើងប្រកបដោយមោទកភាពភាព ជាតិ ក្នុងឱកាសពិធីបំពាក់មេដាយមាសជូនកីឡាករចំបាប់កម្ពុជា ស៊ូ បាលី បានឈ្នះមេដាយមាស១គ្រឿង ក្នុងទម្ងន់ ១២៥គីឡូក្រាម ក្រោយឈ្នះកីឡាករឡាវ ១០-០ នៅប្រកួតចុងក្រោយបំផុត។
ពិធីបំពាក់មេដាយមាសនេះអញ្ជើញផ្តល់កិត្តិយសប្រគល់ជូនដោយឯកឧត្តម វ៉ាត់ ចំរើន នាយបេសកកម្មកម្ពុជា និងជាប្រធានសហព័ន្ធកីឡា ចំបាប់កម្ពុជា។
លោក ខេស៊ី បាណេត (Casey Barnett) នាយកវិទ្យាស្ថាន ខេមអេដ (CamEd Business School) និងជាអនុប្រធានកីឡាចំបាប់កម្ពុជា ទទួលបន្ទុកប្រធានដឹកនាំក្រុមកីឡាចំបាប់កម្ពុជាមានប្រសាសន៍ថា ប្រភេទកីឡាចំបាប់បានបញ្ចប់ការប្រកួតទាំងស្រុងហើយ ដោយប្រភេទកីឡាចំបាប់កម្ពុជាដណ្តើមបានមេដាយមាស១គ្រឿង ប្រាក់១គ្រឿង និងសំរឹទ្ធ៤គ្រឿង សរុប៦គ្រឿងនៃដំណើរការប្រកួត រយៈពេល៣ថ្ងៃនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។