បង្ក្រាបគ្រឿងញៀន ៨៦គីឡូក្រាម ២កន្លែងផ្សេងគ្នា ចាប់ជនសង្ស័យ៣នាក់
ភ្នំពេញ៖ គ្រឿងញៀនចំនួន ៨៦គីឡូក្រាម ត្រូវបានកម្លាំងសមត្ថកិច្ចនៃមន្ទីរប្រឆាំងបទល្មើសគ្រឿងញៀន ចុះបង្ក្រាបបានចំនួន ២កន្លែងផ្សេងគ្នា ស្ថិតនៅទីតាំងផ្ទះលេខ៨១I ភូមិក្តីតាកុយ សង្កាត់វាលស្បូវ រាជធានីភ្នំពេញ និងមួយកន្លែងទៀត នៅសណ្ឋាគារសមុទ្រខៀវ បន្ទប់១៦០៨ ស្ថិតនៅក្នុងភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។
នេះបើយោងតាមរបាយការណ៍របស់មន្ទីរប្រឆាំងគ្រឿងញៀន កាលពីថ្ងៃទី២៤ ខែឧសភា ឆ្នាំ២០២២ បញ្ជាក់ថា ក្នុងប្រតិបត្តិការចុះបង្ក្រាបទីតាំងកែច្នៃទាំង ២កន្លែងខាងលើនេះ សមត្ថកិច្ចបានចាប់ខ្លួនជនសង្ស័យជាជនជាតិចិនចំនួន ៣នាក់ ដែលមាន ឈ្មោះ ជូ ស៊ី ជៀ ភេទប្រុស ជាជនជាតិចិនតៃវ៉ាន់ ឈ្មោះ លី ជឺ ភេទប្រុស ជាជនជាតិចិន និងឈ្មោះ ផឹង ជិងឈឹង ភេទប្រុស ជាជនជាតិចិន។ ពួកគេទាំង ៣នាក់ ត្រូវបានមន្ទីរប្រឆាំងបទល្មើសគ្រឿងញៀនបានកសាងសំណុំរឿងបញ្ជូនទៅតុលាការហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។