កុំទុកឪពុកម្តាយចាស់ជរានៅតែឯង! មានករណីស្រ្តីវ័យជិត៧០ឆ្នាំម្នាក់ដួលស្លាប់ក្រោមផ្ទះគ្មានអ្នកដឹង
ស្រ្តីវ័យ៦៧ឆ្នាំម្នាក់ រស់នៅក្នុងភូមិទឹកថ្លា ឃុំខ្នាត ស្រុកពួក បានដួលស្លាប់នៅក្រោមសំយ៉ាបផ្ទះរបស់ខ្លួន កាលពីវេលាម៉ោងប្រមាណ៧យប់ ថ្ងៃទី២៧ ខែឧសភា ឆ្នាំ២០២២ ក្រោយពីរូបគាត់នៅផ្ទះតែម្នាក់ឯង។
យោងតាមរបាយការណ៍របស់សមត្ថកិច្ច ជនរងគ្រោះមានឈ្មោះ សេង សុម៉ាលី មានមុខរបរជាអ្នកលក់ផ្កា រស់នៅផ្ទះតែម្នាក់ឯង (មានកូនប្រុស១នាក់) នៅភូមិកើតហេតុខាងលើ។
បើតាមការពិនិត្យនៅកន្លែងកើតហេតុ ការពិនិត្យសព(ដោយប្រយោល) ការបំភ្លឺសាក្សី និងការវាយតម្លៃរបស់គ្រូពេទ្យកោសល្យវិច័យបានរកឃើញថា ជនរងគ្រោះស្លាប់ដោយមូលហេតុជំងឺរលាកសួតធ្ងន់ធ្ងរ។
យ៉ាងណាក៏ដោយ កូន និងក្រុមគ្រួសារជនរងគ្រោះបានទទួលស្គាល់ការស្លាប់នេះ ដោយពុំបានប្ដឹងចោទប្រកាន់បទឃាតកម្មនោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។