មនុស្ស៣នាក់រងរបួសនៅក្នុងគ្រោះថ្នាក់ចរាចរណ៍រថយន្តបុកគ្នាលើផ្លូវល្បឿនលឿន ក្នុងខេត្តព្រះសីហនុ
ព្រះសីហនុ – មនុស្សចំនួនបីនាក់ បានរងរបួសក្នុងឧបទ្ទវហេតុគ្រោះថ្នាក់ចរាចរណ៍រថយន្តបុករថយន្ត កាលពីថ្ងៃទី០៥ ខែមិថុនា ឆ្នាំ២០២២ ស្ថិតនៅលើផ្លូវល្បឿនលឿន ចន្លោះគីឡូ១៣៤-១៣៥ ស្ថិតក្នុងភូមិស្ទឹងឆាយខាងជើង ឃុំស្ទឹងឆាយ ស្រុកកំពង់សីលា ខេត្តព្រះសីហនុ។
យោងតាមរបាយការណ៍សមត្ថកិច្ចបានឲ្យដឹងថា មុនពេលកើតហេតុមានរថយន្តមួយគ្រឿង ម៉ាកPRUIS ពណ៌ឈាមជ្រូក ពាក់ផ្លាកលេខ កំពង់ស្ពឺ2C-2141 មានទិសដៅពីភ្នំពេញ ទៅខេត្តព្រះសីហនុ អ្នកបើកបរឈ្មោះ ឡុក សៅ ភេទប្រុស អាយុ៣៣ឆ្នាំ រស់នៅខេត្តកំពង់ស្ពឺ អ្នករួមដំណើរចំនួន៨នាក់ រងរបួសចំនួន០២នាក់ លុះមកដល់ចំណុចខាងលើបានបុកនឹងរថយន្តមួយគ្រឿង ម៉ាកLUXES 350 ពណ៌ស ពាក់ផ្លាកលេខ ព្រះសីហនុ 2D-1838 មានទិសដៅព្រះសីហនុ ទៅភ្នំពេញ អ្នកបើកបរឈ្មោះ បុន សុខុន ភេទប្រុស អាយុ៦០ឆ្នាំ រស់នៅខេត្តព្រះសីហនុ អ្នករួមដំណើរចំនួន០១នាក់ ឈ្មោះ ហូរ ម៉ារី ភេទស្រី អាយុ៥៤ឆ្នាំ រងរបួសចុកទ្រូង ត្រូវបានសាច់ញាត្តិយកទៅពេទ្យភ្នំពេញ។
សមត្ថកិច្ចបន្តថា វត្ថុតាងរថយន្តពីរគ្រឿងត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកកំពង់សិលា ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។