បង្ក្រាបករណីជួញដូរគ្រឿងញៀនជាង ៥២គីឡូក្រាម ចាប់ខ្លួនស្ត្រីម្នាក់ នៅខណ្ឌច្បារអពៅ
កាលពីថ្ងៃទី២១ ខែ០៧ ឆ្នាំ២០២២ កម្លាំងជំនាញ(ក៥) នៃមន្ទីរប្រឆាំងគ្រឿងញៀន បានធ្វើការបង្ក្រាបគ្រឿងញៀនជាង ៥២គីឡូក្រាម នៅចំណុចមុខបន្ទប់ជួល C04 ផ្លូវបេតុង ស្ថិតក្នុងភូមិតាព្រហ្ម សង្កាត់ព្រែងឯង ខណ្ឌច្បារអពៅ រាជធានីភ្នំពេញ និងឆែកឆេរក្នុងបន្ទប់ខាងលើ ដែលជនល្មើសស្នាក់នៅ។
ក្នុងប្របត្តិការនេះ កម្លាំងជំនាញ បានឃាត់ខ្លួនជនសង្ស័យម្នាក់ ឈ្មោះ ឆន សុខា ភេទស្រី អាយុ៤១ឆ្នាំ ជនជាតិខ្មែរ ស្នាក់នៅកន្លែងកើតហេតុ។ ចំណែកវត្ថុតាងចាប់បាន មេតំហ្វេតាមីន(ICE)ទម្ងន់ ៥២ គ.ក្រ ៦០៨.៤៦ក្រាម។
បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ចជំនាញ កសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។