យន្តហោះដឹកអ្នកដំណើរ១គ្រឿង រអិលចេញពីផ្លូវរត់ នៅឈៀងរ៉ៃ ខណៈភ្លៀងកំពុងធ្លាក់ខ្លាំង
យន្តហោះប៊ូអ៊ីង (Boeing ) 737-800 របស់ក្រុមហ៊ុនមួយបានរអិលធ្លាក់ពីលើផ្លូវរត់ខណៈចុះចតនៅអាកាសយានដ្ឋានអន្តរជាតិ Mae Fah Luang ក្នុងខេត្តឈៀងរ៉ៃ ភាគខាងជើងក្នុងពេលភ្លៀងកំពុងធ្លាក់ខ្លាំង កាលពីចុងសប្តាហ៍។
យោងតាមសេចក្តីប្រកាសដែលចេញដោយក្រុមហ៊ុនអាកាសចរណ៍ ថា ជើងហោះហើរ Nok Air DD108 (ដុនមឿង-ឈៀងរ៉ៃ) ដែលមានអ្នកដំណើរ ១៦៤នាក់ និងបុគ្គលិកលើយន្តហោះ ៦នាក់។ ខណៈពេលកំពុងចុះចតយន្តហោះបានរអិលចេញពីផ្លូវរត់ដោយសារតែភ្លៀងធ្លាក់ខ្លាំង ប៉ុន្តែអ្នកបើកយន្តហោះបានគ្រប់គ្រងការនាំយន្តហោះទៅបញ្ឈប់ដោយសុវត្ថិភាព។
អ្នកដំណើរ និងសមាជិកនាវិកទាំងអស់ត្រូវបានផ្លាស់ប្តូរទៅកាន់អគារអ្នកដំណើរដោយសុវត្ថិភាព។ គ្មាននរណាម្នាក់រងរបួស ឬបាត់បង់ជីវិតទេខណៈការស៊ើបអង្កេតកំពុងដំណើរការលើហេតុការណ៍នេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។