ចុងសប្ដាហ៍នេះ! កម្ពុជា ទទួលបានភ្ញៀវទេសចរ ២២ម៉ឺននាក់
ភ្នំពេញ៖ បើតាមឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថា ចុងសប្តាហ៍ទី៥ ថ្ងៃទី៣០-៣១ ខែកក្កដា ឆ្នាំ២០២២ កម្ពុជាទទួលបានភ្ញៀវសរុបទូទាំងប្រទសសរុបមានចំនួន២២០,៩៣៧នាក់ ក្នុងនោះភ្ញៀវជាតិ ២០៤.៥៨៥នាក់ ភ្ញៀវបរទេសផ្ទៃក្នុង ១៦,៣៥២នាក់។
គោលដៅទេសចរណ៍សំខាន់ៗ រួមមាន៖
* ខេត្តកំពត ៣៤,៩៦៨នាក់
* ខេត្តព្រះសីហនុ ៣៣,៣៨៨ នាក់
* ខេត្តសៀមរាប ២៥,៧១៥នាក់
* ខេត្តបាត់ដំបង ២០,៥៥៤នាក់
* រាជធានីភ្នំពេញ ១៧,៩៧៥នាក់
* ខេត្តកែប ១៥,២៣៩នាក់
* ខេត្តកណ្តាល ៩,៦១៦នាក់
* ខេត្តកំពង់ស្ពឺ ៩,៣៤២នាក់
* ខេត្តពោធិ៍សាត់ ៨,៩១៣នាក់។
ឯកឧត្តម រដ្ឋមន្ត្រីបានបន្តថា តាមរយៈតួលេខខាងលើ មានការកើនឡើងប្រមាណ៣.៤៣% ធៀបនឹងសប្តាហ៍កន្លងមក ជាមួយអាកាសធាតុល្អប្រសើរ និងមានភ្លៀងធ្លាក់តិចជាងសប្តាហ៍កន្លងមុន។
ជាមួយការកំរើកឡើងវិញខ្លះៗនៃជំងឺកូវីដ-១៩ ក្រសួងទេសចរណ៍បានបន្តណែនាំ និងក្រើនរំលឹកដល់មន្ទីរទេសចរណ៍ ផ្នែកឯកជន និងប្រតិបត្តិករទេសចរណ៍ ឲ្យបន្តអនុវត្តវិធានការ «៣កុំ និង ៣ការពារ» វិធានសុវត្ថិភាពទេសចរណ៍ និង SOP៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។