៣០ឆ្នាំទៀត អ៊ុយក្រែនក៏មិនអាចចូលជាសមាជិកណាតូ
ការចូលជាសមាជិកណាតូ របស់អ៊ុយក្រែន គឺជាប្រធានបទក្តៅ នាពេលកន្លងមក ប៉ុន្តែនៅពេលនេះ អធិកាបតីអាល្លឺម៉ង់ លោក Olaf Scholz បានសន្យាជាមួយប្រធានាធិបតីរុស្ស៊ី លោកពូទីន ថាអ៊ុយក្រែននឹងមិនអាចចូលជាសមាជិកណាតូ បានឡើយក្នុងរយៈពេល៣០ឆ្នាំខាងមុខ។ កាលពីចុងសប្តាហ៍កន្លងមក អធិកាបតីអាល្លឺម៉ង់ Olaf Scholz បានបង្ហើបពីខ្លឹមសារមួយចំនួននៅក្នុងជំនួបពិភាក្សាតាមទូរស័ព្ទជាមួយប្រធានាធិបតីរុស្ស៊ីស្តីពីស្ថានភាពអ៊ុយក្រែន។
លោក Olaf Scholz មិនបានបញ្ជាក់ថាបានជួបពិភាក្សានៅពេលណានោះឡើយ ប៉ុន្តែលោកបានសន្យាជាមួយរុស្ស៊ី ថា នឹងមិនអនុញ្ញឲ្យអ៊ុយក្រែនចូលជាសមាជិកណតូឡើយ ក្នុងរយៈពេល៣០ឆ្នាំខាងមុខ ។
អធិកាបតីអាល្លឺម៉ង់ បានបញ្ជាក់ទៅកាន់ប្រធានាធិបតីពូទីនថា « ណាតូមិនមែនជាការគំរាមកំហែងដល់រុស្ស៊ីនោះឡើយ ហើយអ៊ុយក្រែន មិនអាចចូលជាសមាជិក ក្នុងរយៈពេល ៣០ឆ្នាំខាងមុខ»។ លោក Olaf Scholz បន្តទៀតថា សហគមន៍អឺរ៉ុប បានបើលស្រាលទៅលើផលប្រយោជន៍ជាតិរបស់រុស្ស៊ី ទើបបានសង្គ្រាម។
អធិកាបតីអាល្លឺម៉ង់ បានបញ្ជាក់ទៀតថា លោកនឹងមិនបោះបង់កិច្ចពិភាក្សាជាមួយរុស្ស៊ីនោះឡើយ ។ បច្ចុប្បន្ន សហគមន៍អឺរ៉ុប ងាកទៅកាន់ប្រទេសរុស្ស៊ីវិញហើយក្នុងពេលសំខាន់បំផុត ។ កន្លងមកប្រទេសជាច្រើនក្នុងបន់អឺរ៉ុប បានគាំទ្រដល់ការស្ទងមតិផ្តាច់ខ្លួនចេញពីប្រទេសអ៊ុយក្រែនទៅចូលជាមួយរុស្ស៊ី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។