អបអរសាទរ! កីឡាការិនី កាំង មុយនីន ទទួលបានជ័យលាភីមេដាយ ៤គ្រឿង ក្នុងការប្រកួត Finswimming’s World Cup Round Swimming Pool 2022 នៅប្រទេសថៃ
អបអរសាទរ កីឡាការិនី កាំង មុយនីន ទទួលបានជ័យលាភីមេដាយមាស២គ្រឿង លេីប្រភេទវិញ្ញាសា Women 200m Bifins និង លើប្រភេទវិញ្ញាសា Women 100m Bifins នាថ្ងៃទី៤ ខែកញ្ញា ឆ្នាំ២០២២ ក្នុងព្រឹត្តិការណ៍ការប្រកួត Finswimming’s World Cup Round Swimming Pool 2022 នៅព្រះរាជាណាចក្រថៃ។
កម្ពុជា ទទួលបាន មេដាយសរុប ៤គ្រឿង មេដាយមាស ៣គ្រឿង និង មេដាយសំរឹទ្ធ ១គ្រឿង ក្នុងព្រឹត្តិការណ៍ការប្រកួត Finswimming’s World Cup Round Swimming Pool 2022
សូមបញ្ជាក់ថា សមាគមកីឡាក្រោមទឹកប្រទេសថៃ (Association of Thailand Underwater Sports) បានអញ្ជើញសហព័ន្ធខ្មែរកីឡាហែលទឹក ទៅចូលរួមការប្រកួត Finswimming’s World Cup Round Swimming Pool 2022 ដែលនឹងប្រព្រឹត្តទៅចាប់ពីថ្ងៃទី០១ ដល់ថ្ងៃទី០៥ ខែកញ្ញា ឆ្នាំ២០២២ នៅខេត្តភូកេត ប្រទេសថៃ។
សហព័ន្ធខ្មែរកីឡាហែលទឹក បញ្ជូនប្រតិភូ គ្រូបង្វឹក និងអត្តពលិក ទៅចូលរួម សរុប ៨នាក់រួមមាន៖
១. លោក ហែម គីរី ប្រតិភូ
២. លោក ហែម ថុនពន្លឺ គ្រូបង្វឹក
៣. កញ្ញា កាំង មុយនីន កីឡាការិនី
៤. កញ្ញា ឃឺន ប៊ុនពេជ្រមរតក កីឡាការិនី
៥. លោក លឹម កែវឧត្តម កីឡាករ
៦. លោក ឆោម ច័ន្ទថន កីឡាករ
៧. លោក ទួន ទិត្យសត្យា កីឡាករ
៨. លោក លឹម សុខវឌ្ឍន៍នន្ទ កីឡាករ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។