គិតត្រឹមរសៀលនេះ! សមត្ថកិច្ច បានរកសពជនរងគ្រោះ ០១នាក់ទៀត ក្នុងករណីលិចទូកចម្លងដឹកកូនសិស្សចេញពីសាលាទៅផ្ទះ នៅស្រុកលើកដែក
ហេតុការណ៍លិចទូកចម្លងដឹកកូនសិស្សចេញពីសាលាទៅផ្ទះ នៅឃុំកំពង់ភ្នំ ស្រុកលើកដែក ខេត្តកណ្តាល កាលពីយប់ថ្ងៃទី១៣ ខែតុលា ឆ្នាំ២០២២ រហូតមកដល់ម៉ោងជាង ១រសៀល ថ្ងៃនេះ ក្រុមជួយសង្គ្រោះ បានឃើញជនរងគ្រោះម្នាក់បន្ថែមទៀត ឈ្មោះ រី ស្រីលីន ភេទស្រី អាយុ១២ឆ្នាំ មុខរបរសិស្ស ដែលចំនួនអ្នកសពកើនឡើង ១០នាក់ហើយ ខណៈ៤នាក់ ត្រូវបានជួយសង្គ្រោះ និង១ម្នាក់ទៀត កំពុងបាត់ខ្លួន។
មកដល់ពេលនេះ ជនរងគ្រោះដែលបានរកឃើញសរុបចំនួន ១៤នាក់ ស្លាប់១០នាក់ (ស្រី០៣នាក់) និងបាត់ខ្លួនម្នាក់ទៀត។ រីឯក្មេង ដែលកំពុងបាត់ខ្លួនម្នាក់ ឈ្មោះ មាស សុវណ្ណរាជ ភេទប្រុស អាយុ១៤ឆ្នាំ មុខរបរសិស្ស។
បច្ចុប្បន្ន កម្លាំងចម្រុះ បានកំពុងបន្តស្រាវជ្រាវរុករកជនរងគ្រោះដែលបាត់ខ្លួន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។