បុរសដែលបាត់ខ្លួនករណីលិចទូកនៅក្បែរកោះទន្សាយ ពេលនេះរកឃើញហើយ
សមត្ថកិច្ចឲ្យដឹងថា បុរសម្នាក់ដែលបាត់ខ្លួនពេលលិចទូកអ្នកនេសាទនៅក្បែរកោះទន្សាយ ក្នុងខេត្តកែប បានស្លាប់ហើយ ដោយសាកសពបានរកឃើញនៅ ព្រឹកថ្ងៃទី២៩ ខែធ្នូ ឆ្នាំ២០២២ នេះនៅក្បែរកោះឬស្សី។
គួរបញ្ជាក់ផងដែរថា ហេតុការណ៍លិចទូកនេសាទនេះ បានកើតឡើងកាលពីយប់រំលងអាធ្រាត្រឈានចូលថ្ងៃទី២៧ ខែធ្នូ ឆ្នាំ២០២២។ នៅលើទូកអ្នកនេសាទប្រភេទទូកកន្ទុយវែងដែលលិចនេះ មានមនុស្សនៅលើទូកសរុបចំនួន៥នាក់ ក្នុងនោះមាន៤នាក់ត្រូវបានជួយសង្គ្រោះរួចផុតពីគ្រោះថ្នាក់ដល់អាយុជីវិត ក្រោយទូកនេះលិចនៅក្បែរកោះទន្សាយក្នុងខេត្តកែប។
បើតាមសេចក្តីរាយការណ៏ពីអាជ្ញាធរខេត្តកែបបញ្ជាក់ថា ទូកនេះលិចពេលកំពុងនេសាទ អូសប៉ះហ្វូងត្រីច្រើន អ្នកនេសាទលើទូកព្យាយាមទាញឡើងមកលើទូក ក៏បណ្តាលឲ្យទូកនេះលិចតែម្តង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។